首爾石鍋燒

營業中

休息中

疫情後甚少出街食飯，今晚約左friend係旺角，於是就黎這裡。已不是第一次幫襯，之前旺角返工久唔久都會過黎食。叫左泡菜鐵板牛肋骨，上台時熱辣辣，還有咋咋聲，牛肋骨好嫩滑，配上炒過的泡菜聞到味都已經流口水，辣度適中，啱我，送飯好好味。另一個是韓風一口雞，內軟外脆，加埋酸酸甜甜的醬汁，一口一塊，送啤酒確實唔錯。炒粉絲，唔同普通中式粉絲，這種粉絲粗好多，有D似薯粉，食落比一般粉絲更有口感。蔥餅，這個蔥餅賣相雖然一般，但食落外皮甘香酥脆，裡面軟綿綿，值得一提是個餅汁好醒胃野味，有驚喜。經營咁多年還保持良好食物味道，價錢合理，值得推薦。