麻辣小聚 (Ladder Dundas) (已結業)

之前都黎過呢間餐廳架啦，實在太好食，今次就同屋企人黎食，同樣都係先食鍋，再食麻辣小龍蝦，跟住就打邊爐夾著食點心，小食。魔鬼醬鮑魚雞鍋🐓呢個鮑魚雞鍋真係超足料，超多鮑魚超多雞，鮑魚當然一定唔係一頭鮑咁大，但絕對唔係罐頭的豆豉粒鮑，正常街市有買的大小，有4-5隻真心抵！雞件有肉又夠滑，用佢地的秘製魔鬼醬一齊，滋味可口無人敵。麻辣小龍蝦🦞呢個麻辣小龍蝦好夠入味，又香又辣又多麻辣汁。小龍蝦非常鮮甜，龍蝦吸曬麻辣汁辣味鮮味同時上。任食火鍋🍲呢個任食火鍋🍲想食咩下單就得啦！海鮮，肉，蔬菜，丸可以用黎打邊爐的大部分都有😆澳洲M 5和牛肉，本地滑牛仔肉，西班牙的牙黑毛豬，生蝦，貝類必食。點心🧆即叫即蒸點心，食左2款蒸包當甜品。難忘核桃包有好濃核桃味，入面非常幼滑。小心流沙奶黃包一咬開奶黃就流出來，又香又甜。