舊果香林豆腐花

營業中

休息中

呢間啲豆腐花真係堅抵食，有好多種類，食過勁多次，佢有芝麻糊豆花，綠豆沙豆花，花奶豆花，合桃糊豆花，另外仲有豆漿。超平！ 只需要10蚊碗咋！我次次都食我最愛嘅花奶豆花，老公就試唔同味。花奶豆花因爲加左花奶，所以好滑，有花奶帶出個豆味，好香，唔落糖都唔覺得淡，有微甜，唔食太甜嘅朋友都唔洗加糖水。 佢有得揀冰糖水同薑糖水，仲可以自己加黃糖👍🏻好自助。另外佢有得揀堂食同外賣，外賣要加一蚊，堂食就比個碗你 坐係旁邊膠椅，食完比返個碗佢，夠哂地道。而加外面啲糖水好貴又細份，我覺得呢間真係良心小店👍🏻會繼續支持！