影片
更多
2024-07-15
7545 瀏覽
生日男朋友帶我尼呢間餐廳到諗住食自助餐，以前亦有係同層另一間cafe食過都覺得質素幾好，點知今次生日餐真係中曬伏。首先佢既形式係出面有啲野食拎，然後另外仲有一個menu，其中有8樣小食係可以任叫，同埋主食都有10樣左右，咁每人可以叫一個主食。本身見到咁都未覺得有咩問題，反而覺得好似好多野食咁，但真係大錯特錯囉！出面可以拎既野食係極之少啦，雖然有生蠔同蟹腳（本人唔係很好海鮮），但除咗呢兩樣高價食材之外其他真係無乜好揀囉！沙律、冷盤、前菜、甜品，跟住就無啦！！我出完去第一轉拎野食係連一個盤都裝唔滿！因為食物賣相不佳啦（連相都唔想影果種），加上種類真係好少囉！完全係一眼睇曬！咁係出面拎唔到咩野食，我就諗住係佢menu果到叫啲小食啦，點知佢八樣野裡面係有四樣都係薯仔呀！薯角、薯容、芝士焗薯、番薯！！其他仲有炒飯、西蘭花、甘筍等等，而且味道非常之一般！我食完一轉野食真完全心都涼埋！已經唔知可以食咩，連拎第二轉野食既意欲都無！唯一淨係可以食多少少蟹腳先會覺得抵反少少咋！然後叫埋佢個主食，叫左一個肉眼扒同一個豬腩仔，咁肉眼扒個味道係ok既，合格，但個豬腩真係難食呀，個調味好奇怪，食完一啖直情吐反出尼
以前亦有係同層另一間cafe食過都覺得質素幾好，點知今次生日餐真係中曬伏。
首先佢既形式係出面有啲野食拎，然後另外仲有一個menu，其中有8樣小食係可以任叫，同埋主食都有10樣左右，咁每人可以叫一個主食。
本身見到咁都未覺得有咩問題，反而覺得好似好多野食咁，但真係大錯特錯囉！
出面可以拎既野食係極之少啦，雖然有生蠔同蟹腳（本人唔係很好海鮮），但除咗呢兩樣高價食材之外其他真係無乜好揀囉！沙律、冷盤、前菜、甜品，跟住就無啦！！
我出完去第一轉拎野食係連一個盤都裝唔滿！因為食物賣相不佳啦（連相都唔想影果種），加上種類真係好少囉！完全係一眼睇曬！
咁係出面拎唔到咩野食，我就諗住係佢menu果到叫啲小食啦，點知佢八樣野裡面係有四樣都係薯仔呀！薯角、薯容、芝士焗薯、番薯！！其他仲有炒飯、西蘭花、甘筍等等，而且味道非常之一般！
我食完一轉野食真完全心都涼埋！已經唔知可以食咩，連拎第二轉野食既意欲都無！唯一淨係可以食多少少蟹腳先會覺得抵反少少咋！
然後叫埋佢個主食，叫左一個肉眼扒同一個豬腩仔，咁肉眼扒個味道係ok既，合格，但個豬腩真係難食呀，個調味好奇怪，食完一啖直情吐反出尼😵💫😵💫😵💫😵💫
最後甜品係最好既，種類都唔少啦，味道係幾好既，咁但係個生日甜品就有啲hea囉，佢係同出面既甜品一樣，然後幾個放埋一齊有個生日牌，咁岩幾樣都同我地拎既甜品撞晒😥😥
總結呢間係我食過最差既自助餐，食物選擇少、味道係大多數都不算好，可能係薯仔食得多，我同男朋友都係食飽左都唔知食過啲咩既感覺，兩個人食左一千三百幾蚊，同價位比佢好既選擇實在太多太多。
張貼
