燒味館 (已易手) 新餐廳

細細個好鍾意食燒味，尤其是叉燒。但係唔知幾時開始，啲叉燒忽然變得唔好食，有聽過啲燒味師傅講，係因為唔再用本地豬燒叉燒，但我聽完都唔明點解，總之啲叉燒就忽然變得唔好食，無論係肉質，定係肉質都唔同以前變咗一樣。所以就算而家去食燒味，都係嗌切雞飯同燒鴨飯多。直至男朋友帶我嚟食呢間唔係好起眼，係屋企附近嘅一間燒味外賣鋪，食咗真係返唔到轉頭。佢嘅叉燒肥瘦適中、叉燒汁係細細個嗰隻味道、價錢平，加上落單姐姐同埋師傅都好好人，好Nice，真係好鍾意幫襯佢哋！但係呢間咁好食嘅燒味鋪，竟然係OpenRice上面冇，麻煩啲都要幫佢上名啦👍👍👍