影片
更多
2022-07-15
52 瀏覽
到底有幾多年冇飛過呢?我諗我足足有三年半冇飛過啦...真係好想搭飛機去旅行呀...唯有去呢間飛機主題餐廳，來個偽搭飛機去旅行啦!!今日約咗姊妹們一行三人去咗呢到放鬆一下，呢間餐廳真係唔大。而且餐廳最特別嘅窗口位 (卡位)，亦都只係得四張台!!所以，窗口位難求!!而我哋當晚係平日，雖然訂台時有要求想坐窗口位。不過，店員亦有同我哋講「只能盡量安排」。所以，訂咗台就算要求窗口位，都係唔一定有呢~~我哋當晚好好彩，客人舊唔多。我哋總算，成功坐到打卡窗口位啦~~睇下我個飛機餐，幾豐富~~如果送餐係推住呢架車送餐，我諗個感覺仲正!!餐廳嘅另一邊，打卡都一樣靚!~門口打卡位~~以前去旅行，準備上飛機之前嘅指定必影打卡位~食物方面，我哋係晚市時段。餐廳只提供晚市套餐，晚餐有一個主菜，另有餐湯、餐包、生果、甜品及一杯飲品。餐包送到嘅時候都係唔熱，而且唔係暖笠笠。仲有少少硬同埋涼，如果暖暖地搽牛油 (有少少溶) 會好食更多。生果片方面，有少少生。不過，朋友嗰兩片生果就好甜。煎盲曹魚柳配大蒜、雪莉醋及橄欖油煎得好香，而且魚肉都好嫩滑，整體係好好味!和牛漢堡包配薯角 - 和牛漢堡扒好Juicy，好香牛肉味。薯
我諗我足足有三年半冇飛過啦...
真係好想搭飛機去旅行呀...
唯有去呢間飛機主題餐廳，來個偽搭飛機去旅行啦!!
今日約咗姊妹們一行三人去咗呢到放鬆一下，呢間餐廳真係唔大。
而且餐廳最特別嘅窗口位 (卡位)，亦都只係得四張台!!
所以，窗口位難求!!
而我哋當晚係平日，雖然訂台時有要求想坐窗口位。
不過，店員亦有同我哋講「只能盡量安排」。
所以，訂咗台就算要求窗口位，都係唔一定有呢~~
我哋當晚好好彩，客人舊唔多。
我哋總算，成功坐到打卡窗口位啦~~
睇下我個飛機餐，幾豐富~~
如果送餐係推住呢架車送餐，我諗個感覺仲正!!
餐廳嘅另一邊，打卡都一樣靚!~
門口打卡位~~
以前去旅行，準備上飛機之前嘅指定必影打卡位~
食物方面，我哋係晚市時段。
餐廳只提供晚市套餐，晚餐有一個主菜，另有餐湯、餐包、生果、甜品及一杯飲品。
餐包送到嘅時候都係唔熱，而且唔係暖笠笠。
仲有少少硬同埋涼，如果暖暖地搽牛油 (有少少溶) 會好食更多。
生果片方面，有少少生。
不過，朋友嗰兩片生果就好甜。
煎盲曹魚柳配大蒜、雪莉醋及橄欖油
煎得好香，而且魚肉都好嫩滑，整體係好好味!
和牛漢堡包配薯角 - 和牛漢堡扒好Juicy，好香牛肉味。
薯角方面，嚴格嚟講其實係粗薯條，不過新鮮炸起熱辣辣，係好食嘅，但就一定唔係薯角。
大蝦意大利粉 - 意粉好香，蝦都好爽口!
三個人，所以一人一個餐。
晚市套餐包括是日甜品
甜品雪得太冰，咬入口時有少少沙冰感覺。
唔算太甜，所以撇除沙冰口感，味道係好食嘅。
食物整體都好好味，不過上菜時間就真係比較慢...
而入座後，用餐時間係90分鐘。
張貼
