影片
更多
2022-01-22
492 瀏覽
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴泰北咖哩湯麵（$78)麵底有河粉，金邊粉，米粉同蛋麵！見蛋麵唔常見，所以就揀左嚟做我地嘅咖哩湯麵底。大大碗！湯底超濃郁，濃濃嘅椰香咖哩味，個蛋麵又掛汁。唔算好辣，唔食辣嘅朋友一定食到。配料有啲脆豬皮同一大舊雞脾肉🍗雞肉煮得好腍😹腍到大力啲都可以夾爛，但係超入味，啲肉完全吸收晒啲湯汁。嚟呢間餐廳食係必點😛😛😋泰式豬手飯+太陽蛋（$78+$10)豬手好腍，皮夠彈，肉又濃濃嘅鹵水味，輕輕一撕就爛，仲跟多個微辣嘅肉碎湯🤯我嫌個飯有啲寡，就加多隻太陽蛋😋成個飯即刻昇華晒。唔敢講係最好食，但呢個份量，呢個味道，點左一定唔會後悔。蟹肉奄列（$88)蛋香味好濃，呢個一定要趁熱食👍蟹肉份量好多，基本上同蛋嘅比例係難得嘅55波🤯一啲都唔孤寒。不過食嘅時候要小心啲，我第一啖食落去已經咬到一小塊蟹殼😖但就只得個一下唔好彩，之後都食唔到👌少少不完美，但完全可以接受。芒果糯米飯（$40)溫熱嘅糯米飯有啲脆米鋪面，配上酸甜嘅芒果，淋埋椰漿。食落香甜軟糯，份量又唔少，抵食😋👍泰國木橘汁（$30)木橘，就當係泰國版嘅羅漢果。有利尿排毒同幫助消化嘅功效。我地其實冇飲過，都係抱住獵
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
🍴美食資訊🍴
泰北咖哩湯麵（$78)
麵底有河粉，金邊粉，米粉同蛋麵！見蛋麵唔常見，所以就揀左嚟做我地嘅咖哩湯麵底。
大大碗！湯底超濃郁，濃濃嘅椰香咖哩味，個蛋麵又掛汁。唔算好辣，唔食辣嘅朋友一定食到。配料有啲脆豬皮同一大舊雞脾肉🍗雞肉煮得好腍😹腍到大力啲都可以夾爛，但係超入味，啲肉完全吸收晒啲湯汁。嚟呢間餐廳食係必點😛😛😋
泰式豬手飯+太陽蛋（$78+$10)
豬手好腍，皮夠彈，肉又濃濃嘅鹵水味，輕輕一撕就爛，仲跟多個微辣嘅肉碎湯🤯我嫌個飯有啲寡，就加多隻太陽蛋😋成個飯即刻昇華晒。
唔敢講係最好食，但呢個份量，呢個味道，點左一定唔會後悔。
蟹肉奄列（$88)
蛋香味好濃，呢個一定要趁熱食👍蟹肉份量好多，基本上同蛋嘅比例係難得嘅55波🤯一啲都唔孤寒。不過食嘅時候要小心啲，我第一啖食落去已經咬到一小塊蟹殼😖但就只得個一下唔好彩，之後都食唔到👌少少不完美，但完全可以接受。
芒果糯米飯（$40)
溫熱嘅糯米飯有啲脆米鋪面，配上酸甜嘅芒果，淋埋椰漿。食落香甜軟糯，份量又唔少，抵食😋👍
泰國木橘汁（$30)
木橘，就當係泰國版嘅羅漢果。有利尿排毒同幫助消化嘅功效。我地其實冇飲過，都係抱住獵奇嘅心態點。估唔到甜甜地又幾好飲，涼茶味😛食完好濃嘅咖哩湯麵，飲返啖真係好舒服👍
泰式奶綠茶（$30)
表現不過不失嘅奶綠茶。唔算好甜，同樣係幾好飲😋
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
👑評分
味道：4/5
環境：4/5
價錢：4/5
份量：4/5
服務：4/5
會否推薦：會
呢間泰式餐廳裝修簡約，但周圍嘅環境，令人感覺置身泰國街頭嘅小餐廳咁😎座位闊落，我地個陣入座冇耐，轉個頭出面已經開始有人龍🤯碗仔，紙巾同水呢啲係自助，要自己出去攞。食物同飲品份量都唔少，價錢都唔算貴，有機會會再食多次👍
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
張貼