影片
更多
2012-08-13
560 瀏覽
老豆前排比咗四張小南國 $50 cash coupon 我.Last date 七月廿七號, 仲要只限尖東分店, 成日都夾唔到時間嚟食, 今日終於 '的' 起心肝用咗佢.星期四晚上六點去到門口, 無人嘅???等咗數分鐘, 終於有位知客出嚟.由知客引領入去, 安排坐係一張四人枱.之前幫襯過九龍灣嗰間, 室內燈光頗暗, 反而尖東呢間個門口好黑, 但入到嚟用餐處就十分光猛.室內裝修比小弟感覺十分高檔.侍應放低花生同餐牌時即刻問張 cash coupon 用唔用得, 點樣用.侍應先生十分有禮回答: 可以用, 但只限主餐牌的菜式及不適用於鮑參翅肚及海鮮.哇, 咁即係只可用於肉類及菜類.於是乎, 左揀右揀後要咗(1) 皮蛋豆腐上次食過好味所以番點, 今次食一樣好味道, 雖然皮蛋 + 豆腐好似好簡單, 但呢啲功夫菜自己係屋企好難整, 出街食化算啲(2) 香酥鴨春卷皮包住件鴨肉炸, 表面鬆脆, 裡面有口感, 如果用埋餅皮, 京蔥, 青瓜卷住扮片皮鴨食又另一風味, 唔錯* 要盡快食, 一涼咗味道同口感差好多(3) 外婆紅燒肉係外婆紅燒肉同稻草肉二選一, 最後怕唔飽所以揀咗呢款(結果兩條友叫咗六味菜, 好
Last date 七月廿七號, 仲要只限尖東分店,
成日都夾唔到時間嚟食, 今日終於 '的' 起心肝用咗佢.
星期四晚上六點去到門口, 無人嘅???
等咗數分鐘, 終於有位知客出嚟.
由知客引領入去, 安排坐係一張四人枱.
之前幫襯過九龍灣嗰間, 室內燈光頗暗,
反而尖東呢間個門口好黑, 但入到嚟用餐處就十分光猛.
室內裝修比小弟感覺十分高檔.
侍應放低花生同餐牌時即刻問張 cash coupon 用唔用得, 點樣用.
侍應先生十分有禮回答: 可以用, 但只限主餐牌的菜式及不適用於鮑參翅肚及海鮮.
哇, 咁即係只可用於肉類及菜類.
於是乎, 左揀右揀後要咗
(1) 皮蛋豆腐
上次食過好味所以番點, 今次食一樣好味道,
雖然皮蛋 + 豆腐好似好簡單, 但呢啲功夫菜自己係屋企好難整, 出街食化算啲
(2) 香酥鴨春卷皮包住件鴨肉炸, 表面鬆脆, 裡面有口感,
如果用埋餅皮, 京蔥, 青瓜卷住扮片皮鴨食又另一風味, 唔錯
* 要盡快食, 一涼咗味道同口感差好多
(3) 外婆紅燒肉係外婆紅燒肉同稻草肉二選一, 最後怕唔飽所以揀咗呢款
(結果兩條友叫咗六味菜, 好鬼飽 -_-!)
紅燒肉炆得好淋好入味, 肥膏位雖然油膩但十分爽口,
瘦肉位一啲都唔韌唔痴牙, 唯一挑剔係嗰醬汁比較濃及杰
(但係紅燒肉就係咁架啦)
(4) 香菇麵筋豆干煲十分普通的一味菜, 沒什麼好講,
只可說的是, 味道同價錢唔成正比
(5) 灌湯生煎包老婆點名要食, 的而且確質素非常好, 好好味,
包面熱辣辣, 包底煎到脆卜卜, 咬穿包皮仲爆汁辣咀,
入面舊肉 Juicy 多汁, 推介
(6) 桂花炸湯丸小弟好少主動叫甜品, 但見到有食友講到呢款甜品好似好好味,
而且小弟對桂花及芝麻的東西又有好感, 所以主動點名叫.
甜品食哂所有主菜先要求上, 因為即叫即整關係, 大約等咗十零分鐘先有,
等唔係問題丫, 最緊要新鮮熱辣, 呢樣絕對做到, 上枱時仲出緊煙
灘咗一陣就擺得入口啦, 炸湯丸上面塗上些少帶有桂花味的糖水, 味道清甜.
湯丸內的芝麻無想像中咁香芝麻味, 但尚算可以.
食埋甜品, 呢餐前前後後食咗近兩小時, 因為眼闊肚窄關係, 叫多咗嘢食, 所以慢慢食先食得哂.
埋單, 茶錢, 花生, 加一, 總共 $609
用咗 $200 cash coupon 後即係 $409
消費都算高, 因為都唔係食啲咩貴價嘢, 原價都要成六舊水.
題外話/補充資料：
埋完單, 又送番 3 張 $50 cash coupon, 好一個 infinite loop
(以上食評乃用戶個人意見 , 並不代表OpenRice之觀點。)
張貼
