港畔餐廳 (已結業)

2／3年前黎食過一次，已經被佢既甜品bar深深吸引住；呢次一半係慶生一半係巧合，又拖住空空如也既肚黎搏鬥一番好多好幸福既bday baby一家大細黎慶生，依家連BB仔生日都食得咁好，時代唔同啦...冷盤海鮮好受歡迎，可能因為款款都大大隻又係回本首選，大家都keep住攞，refill速度都好快；但味道一般，冰冰的淡淡的，一大啖肉嚼完一輪就無乜想再食既衝勁，呢盤係本住唔好浪費野食既心態勉強完成的...熟食選擇不多，味道都OK，每樣試左一兩啖就算，因為個心已經飛左去甜品度～～甜品真係好多好多，靚之餘都好吸引，從經典的到特別的，從曲奇朱古力到macaron蛋白糖，雪糕雪芭咩都有，唔係款款都好食但見到已經好滿足xD （甜品既威力）埋單果陣嚇一嚇，用左會員卡都700幾一人，明明2﹣3年前無折都係600左右依家折左都貴咁多，其實都真係唔抵食，賣個名多過賣食物質素，個人覺得唔太competitive...以後要食酒店buffet都應該唔會揀呢度啦...