影片
更多
2019-01-03
130 瀏覽
《大食仔無老點》特色甜品今日要介紹一間個人幾欣賞既甜品，眾所週知，九龍灣甜品舖都集中左係淘大商場，老牌金滿堂、新小小既小方糖、仲有好搶眼既hey yo，但今日要介紹既係係戲院隔離既「甜入心」。一入到去，因為人多，被安排坐係特色櫈。有幾特色？就係有張應該係花園既搖搖櫈搬左入舖，女仔打卡岩曬！大食仔今日真係大食喇，揀左4個甜品，有熱有凍，滿足！戀上椰皇子 - 堪稱係呢度既招牌用椰青殻🥥裝住椰青水燉蛋白，燉蛋面放湯圓芋圓。燉蛋白好滑，好重椰子味，食到停唔到呀！焦糖香蕉比利時窩夫 - 有心思抵食一定要介紹下條焦糖香蕉🍌，拆肉開邊燒埋糖，有口感，效果好亦都有誠意！個比利時窩夫，香濃朱古力味，雖然唔係最熱，但暖暖地咬落仍然相當脆！加埋雪糕🍦一齊隊入口，邪惡！紅絲絨布丁燒 - 聖誕甜品呢個布丁燒賣相唔錯，有聖誕老人亦都有開心果碎，仲有好搶眼既金箔漿。食落口感濕濕地，個人一般，不過味道小小酸，冇咁膩，加返分。值得一提個布丁，好滑！生薑椰皇子燉奶 - 滋潤又係椰子🥥今次係裝生薑糖水，睇見都滋潤！大隻仔專業推介椰皇子同窩夫，有興趣就去試下啦！
今日要介紹一間個人幾欣賞既甜品，眾所週知，九龍灣甜品舖都集中左係淘大商場，老牌金滿堂、新小小既小方糖、仲有好搶眼既hey yo，但今日要介紹既係係戲院隔離既「甜入心」。
一入到去，因為人多，被安排坐係特色櫈。有幾特色？就係有張應該係花園既搖搖櫈搬左入舖，女仔打卡岩曬！
大食仔今日真係大食喇，揀左4個甜品，有熱有凍，滿足！
戀上椰皇子 - 堪稱係呢度既招牌
用椰青殻🥥裝住椰青水燉蛋白，燉蛋面放湯圓芋圓。燉蛋白好滑，好重椰子味，食到停唔到呀！
焦糖香蕉比利時窩夫 - 有心思抵食
一定要介紹下條焦糖香蕉🍌，拆肉開邊燒埋糖，有口感，效果好亦都有誠意！
個比利時窩夫，香濃朱古力味，雖然唔係最熱，但暖暖地咬落仍然相當脆！加埋雪糕🍦一齊隊入口，邪惡！
紅絲絨布丁燒 - 聖誕甜品
呢個布丁燒賣相唔錯，有聖誕老人亦都有開心果碎，仲有好搶眼既金箔漿。食落口感濕濕地，個人一般，不過味道小小酸，冇咁膩，加返分。值得一提個布丁，好滑！
生薑椰皇子燉奶 - 滋潤
又係椰子🥥今次係裝生薑糖水，睇見都滋潤！
大隻仔專業推介椰皇子同窩夫，有興趣就去試下啦！
戀上椰皇子
$48
20 瀏覽
0 讚好
0 留言
焦糖香蕉比利時窩夫
$58
20 瀏覽
0 讚好
0 留言
紅絲絨聖誕布甸燒
$55
27 瀏覽
0 讚好
0 留言
張貼
