可可豬椰香海南雞專門店

營業中

休息中

今晚買外賣返屋企食特色椰香海南雞飯加左錢轉雞髀肉。雞肉份量算幾多，而且飯盒有包埋沙律，幾健康。飯底用上油飯代替白飯，油飯夠香夠味，就咁食都好唔錯。海南雞肉質嫩滑。豬手飯開頭以為係泰式豬手，原來唔係，係用左豬腳，細細件，帶骨，鍾意食骨位就啱哂。豬腳偏胡椒味重啲，但都夠淋夠入味。青木瓜大蝦沙律味道香香辣辣，雖然大蝦唔係好大，但都爽口彈牙。金羅漢果養生茶店員推薦，話全部都係自己煲既，飲落好舒服，唔會太甜。飲管用左紙飲管，相對算環保少少。