上林茶舍 (太平山街) (已結業)

當個個都去coffeeology嘅時候，其實上環轉角都有一間唔錯嘅茶舍，環境幽靜，室外同室內都有座位。自問對茶唔係好有研究，但係叫左一杯 Long Green Matcha 同一杯 Matcha Latte ， 店員好好咁問你杯抹茶鮮奶需唔需要少甜，如果你出去戶外坐佢亦都主動幫你將茶端出去，服務真係十分好。好好彩店員主動幫我升級星野抹茶，雖然我唔知係有幾特別，但飲落就好舒服，好順滑，完全冇平時印像中有純抹茶嗰種苦澀味，真心唔錯。飲完之後令我覺得茶道又係咖啡以外一個新世界，希望日後多啲時間可以再同店員傾計學多啲點去欣賞呢杯咁嘅藝術品 😌由於得一位店員，所以如果嚟嘅話可能要預多少少時間，因為佢真係好有心機咁逐杯整。