千之壽

營業中

休息中

元朗獨立國食日本菜真係冇得輸。平民價、甚至日本師傅發辦omakase一應俱全。我已經喺呢到食過兩次晚餐，每次都食到撐住個肚。今日就再到呢間食小店試食午餐，睇下係咪仲咁抵食，水準係咪都一樣喇！哇！午餐有咁多款點揀吖，仲要食個飯或麵，送兩件手卷或者係壽司，會唔會太多吖。。。再望下，原來仲有魚生壽司餐當日星期六唔知咩事，勁多人叫外賣，餐廳坐滿八成，但伙記就只得一個。跟住見到有個廚房嘅人，出嚟幫手做樓面，寫單入單上菜等等。我催完又催，等咗40分鐘，我嘅午餐終於到喇！我分別點了404刺身壽司餐及402手卷壽司餐呢間店嘅壽司特色係：飯細細，剌身厚大。如果想用平民價價錢食到飽飽嘅，呢到一定得！