餃子皇 (已結業)

餃子皇的餃子是唯一一間我一定會帶我的外國朋友去的小店！如果只看門面同衛生情況，佢地未會入去食，但唔試下呢道既餃子真係有點可惜，因為真係好好味！雖然我食過好多次，但每次都只係試餃子麵餐，五隻餃子的誘惑真係好犀利。五隻餃子，我大多數會叫蓄茄，白菜，蘿蔔同咖哩既其中兩種。蘿蔔，白菜同蓄茄，個人覺得放湯好食啲，餃子中的菜吸左魚湯更好味；而咖哩同辣餃就煎比較好味，因為呢兩種餃子味道較強，放湯反而沖淡左佢地本身的味道。今次因為店內冇晒蓄茄餃－我的最愛，退而求其次，我叫左白菜同蘿蔔放湯米線。點菜後，老闆拿來凍豆漿。呢度既豆漿冇咩豆味，同埋味道偏甜，不過因為杯野係跟餐既我都唔會要求太高，始終這裡係餃子皇唔係豆漿皇。等左一陣，餃子米線就上枱啦！因為你從外表無法分辨嗰隻係白菜定蘿蔔，所以你一定要慢慢品嚐再估下佢係咩。每隻餃子都好大隻，餡料十足而且皮薄餡靚！調左味的絞肉加上唔同的配料口感味道都不同。白菜餃的菜肉比例剛好，豬肉冇雪味唔會太實而且白菜爽口，味道口感都真的不錯。蘿蔔餃的蘿蔔幾多，蘿蔔經煮過後頗軟，味道清清地中和左調了味豬肉的咸，愛清淡人士的推介。湯底略咸，但應該唔係味精湯，食完之後都唔會好口渴。米