影片
更多
2024-06-24
65 瀏覽
朋友講呢間連鎖嘅餃子都幾好食，作為餃子控嘅我當然唔可以錯過啦🥰餃子有分湯餃同煎餃，佢湯餃似乎係配一個特別熬製嘅老火湯，有粉葛同埋各種嘅魚類，似乎好似屋企煲既湯咁🙊首先要講吓佢餃子嘅配菜，係一個酸嘅白蘿蔔，白蘿蔔非常爽脆，我喺餃子未上枱之前已經食咗一碟😂我哋兩個人叫咗個龍鳳松茸湯餃，因為出邊好少見黑松露同白松露用來做餃子。上枱嘅時候湯係分開另上，個湯嘅感覺係冇味精，感覺到落咗好多材料去煲，即使同啲餃子分開飲都完全冇問題。黑松露餃子咬開之後明顯見到有黑松露醬喺底，整體黑松露嘅感覺都好出。白松露就食到有好多菇喺入邊，而啲菇係有咬口，令到隻餃子唔會得豬肉既口感。除此之外，叫咗個元貝豬肉煎餃子，雖然佢寫話有元貝芹菜同埋金菇，但係我完全食唔到金菇嘅感覺😂反而元貝既味道幾出，仲有時會食到一粒粒細細粒嘅元貝，完全冇偷工減料😆可能因為係煎餃子嘅關係會比湯餃子油。另外仲叫咗個四川涼皮，我本身好鍾意食雞絲粉皮，所以麻辣嘅涼皮非常適合我，整體感覺嘢都值得再encore🥰仲有嗌咗山楂雪梨同蜂蜜薏米水，兩種飲品都唔會太甜，個人鍾意山楂雪梨酸酸地開胃，而朋友就嗌咗支裝嘅蜂蜜薏米，飲唔晒可以拎走~
餃子有分湯餃同煎餃，佢湯餃似乎係配一個特別熬製嘅老火湯，有粉葛同埋各種嘅魚類，似乎好似屋企煲既湯咁🙊
首先要講吓佢餃子嘅配菜，係一個酸嘅白蘿蔔，白蘿蔔非常爽脆，我喺餃子未上枱之前已經食咗一碟😂
我哋兩個人叫咗個龍鳳松茸湯餃，因為出邊好少見黑松露同白松露用來做餃子。上枱嘅時候湯係分開另上，個湯嘅感覺係冇味精，感覺到落咗好多材料去煲，即使同啲餃子分開飲都完全冇問題。黑松露餃子咬開之後明顯見到有黑松露醬喺底，整體黑松露嘅感覺都好出。白松露就食到有好多菇喺入邊，而啲菇係有咬口，令到隻餃子唔會得豬肉既口感。
除此之外，叫咗個元貝豬肉煎餃子，雖然佢寫話有元貝芹菜同埋金菇，但係我完全食唔到金菇嘅感覺😂反而元貝既味道幾出，仲有時會食到一粒粒細細粒嘅元貝，完全冇偷工減料😆可能因為係煎餃子嘅關係會比湯餃子油。
另外仲叫咗個四川涼皮，我本身好鍾意食雞絲粉皮，所以麻辣嘅涼皮非常適合我，整體感覺嘢都值得再encore🥰
仲有嗌咗山楂雪梨同蜂蜜薏米水，兩種飲品都唔會太甜，個人鍾意山楂雪梨酸酸地開胃，而朋友就嗌咗支裝嘅蜂蜜薏米，飲唔晒可以拎走~
張貼
