芋圓圓

營業中

休息中

成班人早左食完飯，有朋友話附近都有間幾出名的芋圓甜品鋪，就過左去排隊。八點左右果陣唔算太多人排，只係因為我地人比較多，就等左15分鐘，其他排緊2人位嘅都可以早啲入。鋪頭唔算太大，由於每人最低消費都係一碗糖水或野飲，大家都好快點晒。我點左熱嘅鮮奶椰汁桃膠芋圓（$22），芋圓又香又彈牙，的確比一般街外好食，而且真係有原材料嘅香味，食落唔係淨係得粉。椰汁鮮奶兩種味淡淡地，裡面仲有桃膠、紅棗、蓮子同圓肉，雖然唔算非常多，但感覺都幾滋潤。朋友有叫焦糖白酒千層蛋糕（$38），都話唔錯，但更鍾意食芋圓。見到好多人話食食下就比人趕走，可能我地好彩啦，雖然有提早收碗，但未算態度好差。我食得慢，食左大半個鐘先有店員同我地禮貌咁講外面好多人等緊，我地見到條隊變到勁長，就盡快離快，未算有不快經歷。