大蔵季節料理 (已結業)

成日都食日本野，但係就好少食便當，喺Instagram見到有唔少人講起呢個靚靚嘅三層便當，所以就決定去一試～係呢個三層便當黎之前，侍應好快咁遞上幾款餐前小食，分別有日式蒸蛋、胡麻醬沙律同蘿蔔螺片。蒸蛋都算係幾滑溜，但係上面嘅配料好似蟹柳同菇咁，就好似簡單左啲，不過估唔到個底度仲有少少青豆；而沙律就幾清新，生菜都算幾爽脆；反而我最鍾意嘅係蘿蔔螺片，蘿蔔嘅麵豉味道都幾重，螺片都有爽口彈牙～靚靚嘅大蔵壽司便當終於登場喇，啱啱依家係日本嘅賞花期，如果拎住呢個便當係櫻花樹下食就好喇，可惜我地係香港最低嗰層就係三款刺身，有吞拿魚、立魚同我至愛嘅帶子，刺身尚算厚身，味道都幾鮮，我最鍾意嘅帶子就緊係無得頂啦第二層就有啲普通，係一啲卷物同壽司黎，卷物就蟹柳蛋卷，而壽司就有兩舊紅肉魚嘅壽司(我唔係好識分辨)，同一舊甜蝦壽司。呢一層真係唔係太特別，所以先係中規中矩，可以再好啲最高嗰層就係魚生飯，密密麻麻嘅魚生鋪滿成層便當盒，上面有三文魚、立魚、吞拿魚、玉子同筋子(魚子)，好開心啲刺身仲多過下面嘅醋飯，不過都係你想像得到嘅味道呢個壽司便當就跟埋天婦羅拼盤，包括有天婦羅蝦、天婦羅茄子，仲有天婦羅翠玉瓜，炸粉都幾