城寨煲皇

營業中

休息中

🫶🏻城寨龍鳳雞煲翅(四人份量）呢個點止係邊爐湯底，直情係靚湯，真係原隻雞放落去煲，仲有勁多隻花膠，啲花膠仲要唔細隻，骨膠原滿滿，濃香得黎又唔油膩，已經隔佐啲油，飲得放心，飲完再加清湯落去先打邊爐！🫰🏻金箔活魚刺身火鍋店有刺身真係唔少見，但成日都好驚會整得唔好或者唔新鮮，但呢度真係好放心。刺身上枱果陣連埋魚頭，原條切好放出黎，每塊魚都切得好薄，薄薄一片好通透，魚肉好鮮嫩，鮮甜可口，未飲啲湯就被我地清晒啲刺身啦！👍🏻花刁醉蝦打邊爐食蝦好常見，呢度就花啲心思整佐醉蝦，鮮蝦用酒浸住，酒香滲晒落蝦肉入面，鮮蝦大大隻，碌完出黎食就食到陣陣酒香，蝦肉彈牙！👏🏻掛架牛頸脊牛頸脊口感爽嫩軟滑，油花適中，牛味細緻，打邊爐最突出到啲牛味，質感又好，夠晒嫩口！