影片
更多
2017-06-22
346 瀏覽
第一次食新嘅餐廳（我以前未黎過），地理位置黎講唔算好近好就腳，旺角D2出口，旺中出口再向前行一段路，要過多幾條馬路，多人時段都要行10至15分鐘。今日大概夜晚6點30分到，唔算多人，未入去之前會留意到外面裝潢係外國餐廳feel,由招牌到內在還境都以【木】為主，相當貫徹【Woods】主題。枱櫈盡量都以木為主，枱下加上少量鐵枝作鞏固，環境相當舒服，播著音量適中的流行音樂，會令人很放鬆嘅感覺。餐廳隔聲算唔錯，儘管對住馬路都冇受太大影響，好適合與朋友聊天聚舊。呢棵樹雖然唔係真樹，但配合整個環境，帶出現代設計都可以融入一啲大自然原素，好似煩囂城市裡藏著一個寧靜的大自然，一個小角落讓你暫且放下煩惱、工作。首先，我叫左Appetizers（前菜），我鍾意食西餐時點fish n chips。有兩種醬料選擇，一種係茄汁，一種係偏酸沙拉醬。我個人平時唔多食酸野，但呢個醬點魚又出奇地好味非常開胃。有啲似沙拉醬再加少許醋。薯條係粗薯條，冇紋路，唔係好粗彎月型個種。想像唔到前菜都好大碟，而且好好食，咬落係剛炸好個種油熱感，好香薯仔同魚的香味，有香脆感！之後黎左我杯Stawberry milk shake（草莓奶
今日大概夜晚6點30分到，唔算多人，未入去之前會留意到外面裝潢係外國餐廳feel,由招牌到內在還境都以【木】為主，相當貫徹【Woods】主題。
枱櫈盡量都以木為主，枱下加上少量鐵枝作鞏固，環境相當舒服，播著音量適中的流行音樂，會令人很放鬆嘅感覺。餐廳隔聲算唔錯，儘管對住馬路都冇受太大影響，好適合與朋友聊天聚舊。
呢棵樹雖然唔係真樹，但配合整個環境，帶出現代設計都可以融入一啲大自然原素，好似煩囂城市裡藏著一個寧靜的大自然，一個小角落讓你暫且放下煩惱、工作。
首先，我叫左Appetizers（前菜），我鍾意食西餐時點fish n chips。
有兩種醬料選擇，一種係茄汁，一種係偏酸沙拉醬。
我個人平時唔多食酸野，但呢個醬點魚又出奇地好味非常開胃。有啲似沙拉醬再加少許醋。薯條係粗薯條，冇紋路，唔係好粗彎月型個種。
想像唔到前菜都好大碟，而且好好食，咬落係剛炸好個種油熱感，好香薯仔同魚的香味，有香脆感！
之後黎左我杯Stawberry milk shake（草莓奶昔）,外面天氣又熱又濕又焗，會好想飲一杯清新飲品。
外表與一般街外買嘅奶昔差唔多，但味道先至係重點！雖然係幼身飲管，但絕對唔妨礙飲奶昔，因為佢攪拌得非常幼細同均勻，當然上面on top有Cream,飲之前可以先拌勻再飲。
飲落好香草莓味同牛奶香味，cream都係不能缺少的角色，以提升味道。
🙄留意邊邊位彩色朱古力碎只作裝飾，基本上食唔到。
開始上主菜喇Truffle mushroom risotto with chicken（黑松露雞肉意大利飯）
飯偏硬身，似乎返個人喜好，我自己接受到咁硬口感嘅飯。如果腸胃一向麻麻嘅你，最好落單個陣要求煮耐啲😉*西餐出菜唔會好快。
Truffle味唔算好濃，適合對西式香草天然調味一般的人。Risotto本身有汁（中式講法有芡），汁濃郁夠味。
雞肉外皮稍微烤脆，肉質仍保持滑身，咬落都好易撕開。帶點外脆內軟之感
第二道主菜係U.S. rib eye steak（美國肉眼牛排）
個人略嫌頭尾部分似3成熟，若然是5成熟較為適合我。**牛排熟度由廚師決定
牛排咬落軟身，用少許黑椒煎，唔算好重黑椒味，但相反鹽就重手左少少。具牛肉香味，但如果平日食唔慣牛嘅朋友就未必啱食，因為牛肉有一陣獨特騷味。正如榴槤愈臭愈正😚
On top加左少量沙拉菜，用黑醋，側邊配菜有蕃茄仔同露荀，露荀有炒過，所以好香。
Dessert Time-Apple Crumble（蘋果脆脆）
蘋果批上有一球雪糕，一開始味蕾感覺到villana味，之後變成淡淡杏仁味，味道相當特別原先對佢冇咩大期望，但估唔到俾到我些少驚喜。雪糕放左係好熱嘅crumble上面，軟化左，好易就食到，非硬掘掘型。
隔離有隻白杯仔，裡面有villana汁，呈奶黃色。可以隨自己喜好加或唔加，我最後都有加落去crumble一齊食，會更香！Crumble係蘋果做底，蘋果煮得好腍，係我喜歡個種甜度（我係食好甜嘅人）。
而且，細細個甜品，啱晒鍾意食飯後甜品嘅女性。😏
概括下，食物質素整體滿意，如果牛排可以自選熟度會更佳。
服務態度良好，咁啱冇我想食嘅Tiramisu，但會2分鐘內同你講聲，絕對唔會要你白坐一段時間先得知。
環境恬靜，音樂聲量唔大，適合聊天，前面有長枱，可以一大班人一齊食。
份量方面，我第一道主菜係飯，第二道係肉，我覺得其實好夠飽😂每碟份量唔算少。
店內唔會聞到廚房油煙味，呢點我like爆，我至怕食完一陣味，好似係人都知你啱啱食完飯😑
是次食我係單點，冇叫set dinner,兩個人加埋一係$638，偶爾食好啲黎講，價錢還可接受。
為切合香港人市場，餐牌具備中英對照。就算帶埋外藉朋友食都無有怕！再者擺盤相當靚，啱晒鍾意相機食先嘅朋友仔😚
**其實呢間餐廳都可以飲wine,但因為唔夠位放相片，所以我提供唔到wine list。記得要夠18歲。
張貼
