影片
更多
2014-08-05
1463 瀏覽
今次想同大家介紹Deluxe Sandwiches Express 鮮為人知的資訊，仲有分享長期客仔先有機會品嚐的隱藏食品！由於灣仔屬於一個半商業、半舊住宅的區域，有各類型的食肆，而呢間餐廳就屬於中等價格、小本經營的類型，主打港式西餐。小店開業已經有十年以上，由當初的長型廚房，曾經不敵租金加幅太大而差啲就要執粒，到後來經過裝修，成為了現今的模樣。小店由兩姊妹負責經營，廚師只有一位，店內約有座位二十多個。食店座落於灣仔修頓球場旁邊，午市的時候最多人等位，所以…… 提示一：晚市去食，多數唔使等位，但要留意餐廳的關門時間（早收舖）！小弟由食店開業幫襯至今已經十餘年，最近發現師父間中會自製一些餐牌以外的食物，特別推介給熟客們。如果想食到「隱藏食品」，最好就係夜晚去食，因為師父忙完午市同下午茶時段，先會有閒情逸緻去煮啲特別嘢。 提示二：所有隱藏食品都係隨機出現，要視乎顧客的運氣。可以留意近收銀的圓檯，如果有新鮮剛剛煮好的食材，師父有時會放喺嗰到，可以問吓師父今晚有冇特別推介。小弟大概每個月會幫襯一次，一年半內暫時遇過四款隱藏食品：(1) 獨家製的辣椒醬有一次，師父整咗一大樽辣椒醬，辛辣之中又
小店開業已經有十年以上，由當初的長型廚房，曾經不敵租金加幅太大而差啲就要執粒，到後來經過裝修，成為了現今的模樣。小店由兩姊妹負責經營，廚師只有一位，店內約有座位二十多個。食店座落於灣仔修頓球場旁邊，午市的時候最多人等位，所以……
提示一：晚市去食，多數唔使等位，但要留意餐廳的關門時間（早收舖）！
小弟由食店開業幫襯至今已經十餘年，最近發現師父間中會自製一些餐牌以外的食物，特別推介給熟客們。如果想食到「隱藏食品」，最好就係夜晚去食，因為師父忙完午市同下午茶時段，先會有閒情逸緻去煮啲特別嘢。
提示二：所有隱藏食品都係隨機出現，要視乎顧客的運氣。可以留意近收銀的圓檯，如果有新鮮剛剛煮好的食材，師父有時會放喺嗰到，可以問吓師父今晚有冇特別推介。
小弟大概每個月會幫襯一次，一年半內暫時遇過四款隱藏食品：
(1) 獨家製的辣椒醬
有一次，師父整咗一大樽辣椒醬，辛辣之中又帶出濃郁的辣椒香味，即刻炒咗個飯俾我食，唔需要落好多辣椒醬，已經好好食！師父仲話可以帶個細樽去，平啲咁出售，可惜小弟只識食、不擅下廚，所以最後無買到。
(2) 即製梳乎厘
由於附近有超市，師父有次買咗啲材料整梳乎厘。味道都唔錯，特別係即時新鮮打蛋，即刻焗出黎，異常鬆軟。師父話下次想食的話，記得預早打俾師父查詢，等佢可以買定啲材料咁話。
(3) 鮮牛肉漢堡扒
有次帶朋友去食晚飯，師父話整咗漢堡扒，可以配飯或意粉。（ 提示三：這裡的天使麵是不錯的！）嗰塊漢堡扒非常足料，因為全塊扒係用新鮮牛肉製造，唔似得機械造咁假，而且肥瘦適中，食完唔會覺得好油膩！
(4) 簿切西冷牛肉西炒飯
餐牌上面有一款飯叫「香草鮮茄西冷牛肉飯」，類似茶餐廳的茄汁牛肉飯。但今次剛好遇到師父新鮮炒好的簿切西冷牛肉，師父話仲啲牛肉未放入雪櫃冷藏，新鮮即食好正！佢仲即時拎咗一細片試味！師父爆香咗啲洋蔥同蒜蓉，加入簿切西冷同少少胡椒去炒（小弟喜歡食西炒飯，所以喺師父炒飯的途中，請師父加茄汁去炒），美味非常！
提示四：師父同店員都喜歡同客人吹水，相當有人情味。吹多幾次就變熟客，師父整咗特別嘢就會問你試唔試！結語：Deluxe Sandwiches Express係其中一間小弟好欣賞的小店舖，除咗食物味道好之外，不時都有意外驚喜！餐牌以外的食物讓人感覺到師父用心的特別製作，俾到客人特別款待的感覺，更加因為有人情味喺當中，享受食物時別有一番的喜悅！
張貼
