添飯餸

營業中

休息中

由開業至今一直係長期支持者，成班同事都好支持，日日食，一星期食足六日。之但係，呢兩個星期開始發現餸格愈來愈多飯涉底，一次兩次都喺度諗，可能係裝飯嗰時唔小心。但係今個星期情況明顯嚴重咗，今日更加每邊餸格都有半格飯喺底，今次係食魚香茄子併炸豬扒，魚香茄子啲汁落晒啲飯度、豬扒得嗰三件仔真係好失望、食到火都嚟。另外，有其中一位裝飯靚姐都幾惡下。上星期聽到佢教訓排前面叫飯啲哥仔，明明係自己裝錯餸，哥仔提一提仲被反鬧阿哥仔叫飯都唔識叫、叫得唔清楚等。大家都係想開飯啫，咁都被佢鬧，真係有啲可憐。睇嚟要冷靜一排幫襯下其他食店。希望冷靜完有改善可以再幫襯。