金滿堂甜品

營業中

休息中

食咗晚餐食返個甜品真係好開心😁。淘大有幾間糖水舖。今日就揀咗呢間甜品鋪作為飯後甜品。見佢都幾多人等位。但係佢嘅流轉都幾快，雖然人多但等一陣就有位啦。佢嘅甜品都好多款，搞到我心大心細。諗咗陣要都係決定試下佢嘅椰皇燉蛋白再加埋芋圓。朋友就叫咗個芒果西米露。最鐘意食椰皇嗰陣椰子🥥味，好清香。芋圓都够煙靭，多啲芋頭味就更加完美啦。個蛋白够滑够香，呢個唔錯👍🏻食完仲可以撩起啲椰肉嚟食。椰肉都好滑，大滿足😊😊至於個芒果西米露就冇咁出色啦。可能依家唔係芒果季節，佢嘅芒果都係偏酸，但都可以接受嘅。俾我再食都係食燉椰皇比較好啦。