石磨坊 (已結業)

食完譚仔之後就去呢度食甜品，我地叫左芒果西米露、芒果撈河、奶皇燉奶同紅豆卷。呢度星期日都幾多人食甜品，好多都係一家大細。芒果西米露芒果既份量好多，而西米既軟硬適中，彈牙爽口。芒果撈河呢個就無咁好，河粉又無咩味，而芒果汁又唔算多。我覺得好似齋食河粉咁無好好食，下次應該唔會再叫奶皇燉奶呢個係燉奶再係面頭加上奶皇既甜品，雖然奶皇只係面頭加上去，但我覺得奶皇撈落燉奶到都幾好食。燉奶又夠奶味同夠滑，正。紅豆卷用撈河既皮包住紅豆既甜品。呢個都唔錯，紅豆又唔算太甜，伴著花奶食真係唔錯。但13元四小舊就唔多抵。實有下次既，不過下次試下燉奶佬既甜品。