Joyful Dessert House (已結業)

除咗牛有四個胃外、女人都有四個胃嘅 ! 今日喺銅鑼灣食完晚飯、我同三個女朋友們咁耐冇見、傾計倾到無停嘴、之後梗係最好請佢地食甜品滿足一下佢地啦 ! 經過一輪商議决定去Joyful Dessert House 、入到去見到餐廳的壁畫畫得好靚隻菠蘿飛船好鬼得意呀!服務員姐姐好有禮貌、我哋想要幾杯暖水、佢立即奉上 ! 最後揀左三個甜品 : 宇治金時巴非$ 64 、朱古力心太軟伴雪糕 $ 62 、芒果拿破崙$ 64 !芒果拿破崙嚟到已經賞心悦目、食落仲有驚喜、因為酥皮勁鬆化、加埋甜滋滋嘅芒果和吉士嗰種美味度簡直係直線冲上雲頂 !朱古力心太軟伴雪伴雪糕、服務员原本話要等10至15分鐘、但都好快就送到、而心太軟時間掌握得好好、一切開流心朱古力好似啱漿咁流出嚟、加埋個雲哩拿雪糕一齊食簡值係天衣無缝 !最後上埋宇治金芭菲$ 64、抹茶雪糕好香濃、红豆煮得剛剛好、一層一層加埋好好味 !用美味嘅甜品為今晚畫上完美嘅句號 !這裡不單甜品出色、還有其他西餐供選擇、下次再來!