大飯糖甜品小食屋

營業中

休息中

去大圍唔知食乜，就會行過少少去美林呢間大飯堂搵食，又唔會坐到迫夾，啲嘢食又夠哂份量，甜品亦趣緻。餓堂食太耐，今日決定大食午餐。鹽酥雞調味料夠味、熱焫焫。肉躁宜另上，現同雞件攞埋一齊會令到唔夠脆，不過午餐用甜品兜裝亦令到啲餸好似迫埋一齊。 小巨蛋是日冇玄米茶味雪糕有啲飲恨，不過奶底加到啱啱好，芋圓、涼粉之類的料好多是現成貨，唯紅豆原粒而起沙似是自製，雪糕換荔枝味，可以。豚肉叉燒流心蛋麵，豚肉俾咗5大塊，搭多一紅一白蘿蔔，繼續唔欺場。香蕉朱古力椰椰個軟雪糕都幾高聳吓。因先食咗頂層嘅朱古力軟雪糕味而甜度較大，所以遮咗椰皇入面嗰層椰皇大菜糕陣甜味。鐵達尼號都係啲生果大雜燴襯3球雪糕配可可粟米片，水果新鮮切定，又係大件夾抵食。