龍德樓 (已結業)

同友人一齊去圖書館做功課，做到咁上下肚仔餓，就去附近覓食，見到呢間龍德樓就好想食煲仔飯，一於試試。點了北菇滑雞飯，鳳爪排骨飯，都跟湯，仲點左碟蘿蔔糕。滑雞得一粒菇有d失望，d雞亦偏肥，但係好味夠味的。鳳爪無得輸，但排骨肉整體都偏少，遠遠不夠送飯，有點可惜。飯粒粒分明，有咬口，份量都多，喜歡👍，煲仔豉油都剛剛好👍。附上ge湯好好飲，老火湯，應該不是味精湯，讚！蘿蔔糕偏軟，夾就散，料都少，味道正常。