頹飯 (已結業)

係中環最慘係中午食飯時間，永世都要等位，D野又唔係平，又要等餐死，所似咪食外賣算了。最近見到呢間外賣店開咗，個名好抵死叫頹飯，心唸，唔通呢度D餐/腸/腿蛋飯最好味? 我唔想食D致癌加工餐肉，見薄切牛肉飯加凍O樂都係68蚊，OK啦，中環區! 外賣好快手，好快有。打開個飯盒，好香，D薄切牛肉好薄，無咩肥肉，份量都多，牛肉好有牛味，加埋D另上黑椒汁點，好食呀。D飯有飯香，粒粒分明，唔係差貨， 撈埋D黑椒汁食，有味飯更開胃，個黑椒汁都做得唔錯，重有埋蕃茄仔，粟米粒D菜類食下，平衡下營養，杯凍O樂都係加8蚊，配飯夠抵啦(在中環買罐可樂都唔止呢個價)。呢個飯盒都食得好滿足呀! 起碼唔係"捱"啦。