Cafe Corridor (已結業)

同朋友晨咁早出左cwb睇野，睇完都係11點鬆d，cwb既餐廳大部份都係開12點或打後，所以好難得先揾到呢間咁早就開既cafe坐下。佢其實exactly係times square對面一橦舊式大廈既地下入面，走過一條殘舊既小巷就到了，內裡一d都唔殘舊，細得黎但好休閒既感覺，以木色為主調，佢呢度唔會趕客，你揾到位就坐低，搵唔到位你一係企係出面等，一係就走，唔會有人幫你mark位....買野自己出去counter買，全自助式，menu可以睇係屋頂好高，用粉筆寫係黑板既英文(無中文的)。當天有3位職員，一個負責沖咖啡，其餘兩個就負責整野食，d野上得都ok快！之前已試過一次佢地既all day breakfast，因為回味，所以再試！水準依舊，蛋好滑，煮得啱啱好，唔會過份老或生；豬肉腸好食，我好怕食極lum或咸既腸，佢呢隻兩者皆得宜；薯餅係整個all day breakfast既精髓，個樣睇落有d乾，但係一d都唔係，炸到啱啱好；最後係個包；略嫌唔熱，如果佢即製會好好食囉！我叫左mocha，朋友叫左caramel latte，佢地d咖啡好似好專業，我見佢地有各式各樣既咖啡豆/粉，又有好多儀器咁，我唔