影片
更多
2012-02-27
19 瀏覽
一個人喺銅鑼灣，想搵間cafe食晚飯，諗起呢度新開張，於是試一試。六點左右嚟到，時間尚早，冇乜人，座位夠闊落，圍住架車坐，環境唔錯。仲有車頭梳化位，好得意！枱上嘅擺設自然係自家品牌啦！呢度有set dinner，不過想試下D招牌菜，所以散叫。無花果拼乳清芝士聞落有好香嘅松露味，不過食落就唔覺，芝士好滑，牛奶味唔算濃郁，無花果好甜，不過一個人食晒都幾「漏」。白酒忌廉海鮮意粉試下Pasta of the Day，白酒忌廉汁好濃郁，大蝦爽口，魷魚唔韌，意粉al dente，妹味！Affogato Tiramisu呢度嘅Tiramisu好特別，手指餅放杯底，mascarpone喺中間，頂層係咖啡沙冰。第一啖食落去，感覺好冰涼，因為只係「畢」到D沙冰；再「畢」深D，先「畢」mascarpone，好滑；要挖到落底先挖到D手指餅，由於D手指餅冇浸住，所以仲好脆。都幾特別，不過三種材料分開咗，感覺上散收收咁，唔夠一致。而且冇乜酒味，試過就算。Mocha最後叫杯mocha，嘩！有粒棉花糖，好味！不過隻杯就唔係好掂！隻耳仔「唔湯唔水」，如果當佢係expresso杯咁「lim」住嚟飲，隻杯又太大太重；當佢係
六點左右嚟到，時間尚早，冇乜人，
座位夠闊落，圍住架車坐，環境唔錯。
仲有車頭梳化位，好得意！
枱上嘅擺設自然係自家品牌啦！呢度有set dinner，不過想試下D招牌菜，所以散叫。
無花果拼乳清芝士聞落有好香嘅松露味，不過食落就唔覺，
芝士好滑，牛奶味唔算濃郁，無花果好甜，
不過一個人食晒都幾「漏」。
白酒忌廉海鮮意粉試下Pasta of the Day，
白酒忌廉汁好濃郁，大蝦爽口，魷魚唔韌，
意粉al dente，妹味！
Affogato Tiramisu呢度嘅Tiramisu好特別，手指餅放杯底，
mascarpone喺中間，頂層係咖啡沙冰。
第一啖食落去，感覺好冰涼，因為只係「畢」到D沙冰；
再「畢」深D，先「畢」mascarpone，好滑；
要挖到落底先挖到D手指餅，由於D手指餅冇浸住，所以仲好脆。
都幾特別，不過三種材料分開咗，感覺上散收收咁，唔夠一致。
而且冇乜酒味，試過就算。
Mocha最後叫杯mocha，嘩！有粒棉花糖，好味！
不過隻杯就唔係好掂！隻耳仔「唔湯唔水」，如果當佢係expresso杯咁「lim」住嚟飲，隻杯又太大太重；
當佢係普通咖啡杯，個窿又太細，我隻手指穿唔過，
搞到我要雙手捧住嚟飲。
睇下menu，點解有杯expresso要成$80萬！
原來係包埋架車！而且架車仲有張紙寫住SOLD，真係有人飲呢杯咁貴嘅咖啡！
張貼
