影片
更多
2021-08-25
4320 瀏覽
餐廳：CURATOR Art & Café (尖沙咀)地址：尖沙咀梳士巴利道18號Victoria Dockside K11 Musea B1樓B113C號舖相信唔少人都聽過K11 MUSEA嘅CURATOR Art & Café，呢間充滿藝術氣息嘅Cafe憑住打印咖啡而馳名中外🎊，港九新界嘅人都專程為咗呢一杯可以印自己嘅相上去嘅咖啡/朱古力而排個幾兩個鐘隊，好彩我中午同朋友食晏book咗位，如果唔喺排得隊嚟都應該變咗成Tea🤣避開廿幾人嘅人龍，入到Cafe就已經見到五顏六色嘅畫作、藝術品🎨、設計等，例如Jean Michel Basquiat嘅畫作、草間彌生嘅《南瓜》設計等，仲特設一張枱專放唔同藝術家嘅產品比人買👩🎨，而Cafe入面嘅燈光仲會不時變色，有時藍，有時紫，有時白光，玩味藝術氣氛果然十足，簡直喺藝術融入生活同飲食🤪中午時間有Set Lunch Menu，每個套餐都包一個沙律同一杯指定飲品☕️，沙律就可以揀經典凱撒沙律或者風乾火腿田園沙律🥗，我同朋友就一人叫咗一個，我哋發現餐廳幾鍾意善用唔同嘅杯杯碟碟去盛載食物，頗有特色👍招牌芝士牛肉漢堡配薯條 $128呢個漢堡砌得好靚好整齊
地址：尖沙咀梳士巴利道18號Victoria Dockside K11 Musea B1樓B113C號舖
相信唔少人都聽過K11 MUSEA嘅CURATOR Art & Café，呢間充滿藝術氣息嘅Cafe憑住打印咖啡而馳名中外🎊，港九新界嘅人都專程為咗呢一杯可以印自己嘅相上去嘅咖啡/朱古力而排個幾兩個鐘隊，好彩我中午同朋友食晏book咗位，如果唔喺排得隊嚟都應該變咗成Tea🤣
避開廿幾人嘅人龍，入到Cafe就已經見到五顏六色嘅畫作、藝術品🎨、設計等，例如Jean Michel Basquiat嘅畫作、草間彌生嘅《南瓜》設計等，仲特設一張枱專放唔同藝術家嘅產品比人買👩🎨，而Cafe入面嘅燈光仲會不時變色，有時藍，有時紫，有時白光，玩味藝術氣氛果然十足，簡直喺藝術融入生活同飲食🤪
中午時間有Set Lunch Menu，每個套餐都包一個沙律同一杯指定飲品☕️，
沙律就可以揀經典凱撒沙律或者風乾火腿田園沙律🥗，
我同朋友就一人叫咗一個，我哋發現餐廳幾鍾意善用唔同嘅杯杯碟碟去盛載食物，頗有特色👍
招牌芝士牛肉漢堡配薯條 $128
呢個漢堡砌得好靚好整齊🍔，除咗有醃製過醬汁甜甜哋嘅手打牛肉漢堡，
仲有新鮮嘅番茄🍅、芝士🧀、青瓜🥒同生菜🥬，兩塊麵包充滿密麻麻嘅芝麻🥯，食落鬆脆，製作絕唔馬虎👏；
另外仲有一條條插咗喺精緻小杯入面嘅薯條🍟，打卡指數好高😎
卡邦尼長通粉 $118
一嚟到就比佢好似碟其實喺碗嘅碗、mozzarella cheese嘅擺放🧀，同陣陣飄香嘅卡邦尼香氣吸引咗，
煙肉切粒碎上撈入長通粉入面，仲有啲雜菌同埋唔會太濃烈嘅忌廉芝士味，味道不過不失😌
飲品方面跟餐加$10轉咗做個大嘅Latte☕️，
另外加$38要咗杯餐廳嘅招牌凍Artsy Print Chocolate，落單果陣即場用手機過相比餐廳店員，就可以打印到自己想整嘅照片喺杯飲品上面🤩，我就迎合返餐廳嘅設計印咗村上隆嘅《Dokodemo Door》，寓意「人人期望可達到，我的快樂比天高」。
兩杯飲品嚟到我同朋友都忍唔住「嘩」咗一聲😍，原來Artsy Print Chocolate喺用一層厚Cream去做食用色素嘅彩色打印，底層就加入朱古力醬同鮮奶做base，飲落creamy又唔會太甜身邊仲有唔少人專程打印Mirror成員🤣，鏡粉果然好狂熱🪞，好耐無見到香港人追星追到咁開心同有熱情❤️，好cute cute啊🥰
張貼
