影片
更多
2017-11-23
972 瀏覽
早前約左朋友喺天后食晚飯，因為未夠鐘，又想搵個地方hea下，於是上網搵地方，記得呢間cafe好似話唔限時間(?)，幾好坐，於是行過黎試試。由香港01經營，背景我唔知道太多，純粹當一間餐廳咁評論。餐廳樓底夠高，其實面積都幾大，幾闊落，裝修有點raw，用嘅係木枱同一啲學校用嘅木椅子，以坐黎計，就其實唔會覺得特別舒適。一般咖啡店會更加舒服。但可以講環境方面幾靜，唔會好似平時啲咖啡店咁嘈，而且買完野食/飲品，我諗坐大半日都冇問題，因為週日去到，人流都唔多，而眼見都有唔少人開埋電腦用，有wifi提供，若果想靜靜地消磨時間，呢度不錯。但講到食物，選擇唔算多，以輕食為主，例如有意大利麵、沙律等；不過我準備要食晚飯，就對食物冇咩興趣。飲品方面有綠茶、花茶、水果茶、抹茶、烏龍茶、咖啡、朱古力等手調飲品，定價$28-38。同朋友一人點一杯飲品坐左一個鐘，以hea時間黎計，目標達成，但以兩杯飲品質素黎計，係非常普通，不值一提。如果味道正常，都唔會覺得貴；但因為味道太差，變相我覺得自己都係俾錢入黎買個位坐下。咁諗，會舒服好多。香蕉朱古力 38：朱古力味唔夠濃，蕉味又唔香。芝士泡沫爆谷雲霧綠茶 32：做名就夠霸
但可以講環境方面幾靜，唔會好似平時啲咖啡店咁嘈，而且買完野食/飲品，我諗坐大半日都冇問題，因為週日去到，人流都唔多，而眼見都有唔少人開埋電腦用，有wifi提供，若果想靜靜地消磨時間，呢度不錯。
但講到食物，選擇唔算多，以輕食為主，例如有意大利麵、沙律等；不過我準備要食晚飯，就對食物冇咩興趣。
飲品方面有綠茶、花茶、水果茶、抹茶、烏龍茶、咖啡、朱古力等手調飲品，定價$28-38。
同朋友一人點一杯飲品坐左一個鐘，以hea時間黎計，目標達成，但以兩杯飲品質素黎計，係非常普通，不值一提。如果味道正常，都唔會覺得貴；但因為味道太差，變相我覺得自己都係俾錢入黎買個位坐下。咁諗，會舒服好多。
香蕉朱古力 38：朱古力味唔夠濃，蕉味又唔香。
芝士泡沫爆谷雲霧綠茶 32：做名就夠霸氣，見佢有芝士茶，作為芝士奶蓋控，都忍唔住要一試。
芝士泡沫呢個名改得無錯，因為真係泡沫咁轉眼即消失，唔好期待係任何平時飲開嘅奶蓋。
芝士層亦無芝味，泡沫薄到拎上手不久已經開始同飲品融合。
茶底有味，但偏苦澀，唔合格。
其他食物、飲品，我唔知點，淨係呢兩杯都令我唔想再訪了，有點失望。
張貼
