影片
更多
2023-06-11
3106 瀏覽
聽朋友講呢間cafe 的梳乎厘班戟驚為天人！冇得訂座，所以長龍有人龍排隊，人氣幾高。今日就約左朋友一行5人去試下。星期六放工時間大約等左30mins就入到，都算快。全晚吾開心的地方有兩個1: 餐廳用QR code落單，我地落單後等左45mins都未黎，期間叫過職員幫我地睇睇張單，但職員一去冇回頭，冇回覆我地。45mins後問第二個職員，先知道原來我地落吾到單。全晚餐廳有好足夠的職員，都冇留意到我地坐左成個鐘冇落單，而且期間詢問果位職員完全忽略左我地。2餐廳係工廈入面，廁所衛生環境超級惡劣，好污糟。3格入面有兩格封左，淨番果間格的廁所水霜冇蓋，要伸隻手入去沖廁，隻手會沾到廁所水😰加上廁所冇洗手液，真係好嘔心。餐廳食物質素一般，一點都冇驚為天人。最出名的梳乎厘幾鬆軟，但吾多蛋香。反而飲品係最出色，幾好飲。好彩餐廳冇用餐時間限制，係唯一優點。藜麥雞肉沙律$88 呢個相對黎講好抵食，好大碟，雞肉吾會好鞋，份量都多，但罐頭蜜桃就扣了分。明太子忌廉大蝦燉飯$148明太子味道好吾出，忌廉味太多，一般。焗肉醬意粉$96呢個有驚喜，平時我吾中意食肉醬意粉，但呢個係今晚最好食的菜色。肉醬幾多，個汁都吾錯，
全晚吾開心的地方有兩個
1: 餐廳用QR code落單，我地落單後等左45mins都未黎，期間叫過職員幫我地睇睇張單，但職員一去冇回頭，冇回覆我地。45mins後問第二個職員，先知道原來我地落吾到單。全晚餐廳有好足夠的職員，都冇留意到我地坐左成個鐘冇落單，而且期間詢問果位職員完全忽略左我地。
2餐廳係工廈入面，廁所衛生環境超級惡劣，好污糟。3格入面有兩格封左，淨番果間格的廁所水霜冇蓋，要伸隻手入去沖廁，隻手會沾到廁所水😰加上廁所冇洗手液，真係好嘔心。
餐廳食物質素一般，一點都冇驚為天人。最出名的梳乎厘幾鬆軟，但吾多蛋香。反而飲品係最出色，幾好飲。好彩餐廳冇用餐時間限制，係唯一優點。
藜麥雞肉沙律$88
呢個相對黎講好抵食，好大碟，雞肉吾會好鞋，份量都多，但罐頭蜜桃就扣了分。
明太子忌廉大蝦燉飯$148
明太子味道好吾出，忌廉味太多，一般。
焗肉醬意粉$96
呢個有驚喜，平時我吾中意食肉醬意粉，但呢個係今晚最好食的菜色。肉醬幾多，個汁都吾錯，呢個價錢好抵食。
墨汁意粉$128
呢個可以話難食😰個汁係酸，問左職員原來係加左檸檬汁，個味十分吾夾！
炸薯條$48
蜜糖芥未雞翼$68
呢個幾好食，雞翼好大隻，炸得有肉汁，有6大隻。
棒子朱古力焦糖香蕉梳乎厘$95
Cream的味道好奇怪，吾岩我。
宇治抹茶梳乎厘$158(加$18movenpick 雪糕）
抹茶cream 同抹茶醬幾濃，吾錯。面頭的牛奶麻糬就一般，口感太淋。
椰子碎冰$58
呢個好好飲，賣相好靚，椰子冰好清甜，因為。自己再另外加咖啡入去，面頭有好大舊焦糖碎碎，正😋
Matcha tonic $52
賣相好靚，matcha 味幾濃，酸酸地，加埋tonic 幾清爽，好飲😋
總括來說，呢間餐廳飲品出色，食物質素好一般，加埋個廁所環境太差，如果要排隊就不值得黎！
張貼
