一寿司 (已結業)

一向都有食開一壽司，每間店水準都穩定，今晚開餐先來一輪壽司，包括鹽燒青檸三文魚壽司、帆立貝三食壽司、蟹膏甜蝦壽司、劍魚壽司等，可能太肚餓，食完一輪壽司急不及待叫第二輪食物。今次發現蔥金槍魚腩卷好好食，金槍魚腩魚味香又滑口，亦夠肥美，我覺得好食過拖羅魚腩，一碟4件大大件，又幾抵食，下次又多一樣必食之選。蔥拖羅甘海老壽司係季節推介，隻蝦好新鮮，肉身夠爽又夠實，但蝦上面嘅拖羅就肥美，兩個不同口感嘅食法，唔錯。想講下法蓮草帆立貝配芒果汁，個名好長，唔影低都唔會記得，問個侍應法蓮草係咩，原來係日本菠菜，未食過，但見幅圖好似都吸引，點嚟試下。一上枱，賣相真係唔錯，見到一卷卷綠色葉卷住白色食物，綠色葉應該係法蓮草，食落口就知道入面係卷住帆立貝，加上芒果汁，都好清新，但菠菜味唔係咁濃，好似食帆立貝刺身加菠菜，味道不錯，伴菜的沙律菜好新鮮，呢碟法蓮草帆立貝配芒果汁當沙律食也不錯。三文魚鰭蔥油唐揚即係油炸三文魚鰭，值得讚係三文魚鰭真係好肥美，火喉控制得好，外脆但魚肉仍嫩滑，一咬落去魚油充滿口腔，但加埋蔥一齊食，又可平衡魚脂肪嘅油膩感覺，好食得令人停唔到口，雖然有點飽但都叫多客過口癮。原來有特飲雙生兒優惠，