影片
更多
2006-12-14
4 瀏覽
早前大人同朋友黎呢度飲過茶覺得幾OK,今晚同我黎試下晚飯。位置係以前百佳超市,地方算大,最特別有馬蹄型座位,每個卡位又有電視仔睇;另外呢度電視機超多,真係可以電視送飯!紅燒乳鴿:炸得幾靚,外皮好脆,乳鴿夠入味又有肉,呢個唔錯。腊味炒時蔬:分別有腊腸粒、潤腸粒、腊肉粒,三款腊味味道ok唔太肥,時蔬係白菜仔,份量一般,由於有腊味關係,呢個餸都好惹味;潮式煎蠔餅:份量夠大,蠔仔都幾多,而且幾肥美大隻,好處係洗得幾乾淨,無蠔殼嘛!成個餅炸得好脆,面頭個層真係脆到"慘"口,中間部份就係淋,味道麻麻啦,加上伴食個碟魚露好咸,呢個唔係太好;黑椒西芹炒牛柳粒:份量最迷你,唔知有無用到2條西芹呢??牛柳粒都幾大粒,雖然份量好少,但味道又不俗bor,成碟餸炒得好香口,西芹又好爽脆,如果大碟d就更好;腐乳汁鵝腸米線:呢個組合幾新鮮所以又試試,腐乳汁都幾辣,撈埋米線味道又幾特別,鵝腸口感爽脆,呢個一試無妨;鹵水鵝拼盤:1/4隻鹵水鵝、一隻蛋、一件豆腐。幾款鹵水食物都好夠味道,味道都幾好!鹵水鵝唔太肥,肉質幾軟唔會太老;蛋就一般啦,實的的左d;全餐最好味竟然係呢件豆腐!!因為用左布包豆腐黎做,所以好嫩滑,好似食
位置係以前百佳超市,地方算大,最特別有馬蹄型座位,每個卡位又有電視仔睇;另外呢度電視機超多,真係可以電視送飯!
紅燒乳鴿:炸得幾靚,外皮好脆,乳鴿夠入味又有肉,呢個唔錯。
腊味炒時蔬:分別有腊腸粒、潤腸粒、腊肉粒,三款腊味味道ok唔太肥,時蔬係白菜仔,份量一般,由於有腊味關係,呢個餸都好惹味;
潮式煎蠔餅:份量夠大,蠔仔都幾多,而且幾肥美大隻,好處係洗得幾乾淨,無蠔殼嘛!成個餅炸得好脆,面頭個層真係脆到"慘"口,中間部份就係淋,味道麻麻啦,加上伴食個碟魚露好咸,呢個唔係太好;
黑椒西芹炒牛柳粒:份量最迷你,唔知有無用到2條西芹呢??牛柳粒都幾大粒,雖然份量好少,但味道又不俗bor,成碟餸炒得好香口,西芹又好爽脆,如果大碟d就更好;
腐乳汁鵝腸米線:呢個組合幾新鮮所以又試試,腐乳汁都幾辣,撈埋米線味道又幾特別,鵝腸口感爽脆,呢個一試無妨;
鹵水鵝拼盤:1/4隻鹵水鵝、一隻蛋、一件豆腐。幾款鹵水食物都好夠味道,味道都幾好!鹵水鵝唔太肥,肉質幾軟唔會太老;蛋就一般啦,實的的左d;全餐最好味竟然係呢件豆腐!!因為用左布包豆腐黎做,所以好嫩滑,好似食緊豆腐花咁,呢個推介!
初初見d餸份量少,再加後面2樣,點知食到要打包!飽到上頭殼頂!!等候落格期間,又order 2杯飲品試試:
凍檸蜜:大人話好飲,檸檬好靚所以味道好清新、唔苦,而且加左少少梳打水,所以同其他檸蜜味道唔同,推介!
巨峰提子梳打:呢杯由初期紫白色,溝勻之後變為淡紫色,顏色方面就好吸引,提子汁唔係太多所以唔太甜,有d有汽梳打水加埋,所以味道都幾好。
以價錢黎睇唔算太貴,但份量就有d商榷,而且小菜菜式選擇唔多,雖然有日式刺身選擇,但我就唔太放心係中式酒樓食魚生lu,再黎晚飯機會唔大,飲茶尚可再試,因為我仲想試下其他飲品同雪糕芭菲。
張貼
