影片
更多
2022-09-28
608 瀏覽
逸翠軒海鮮酒家📍 大埔白石角科進路21號逸瓏灣II期LG樓19-20號舖去完staycation，朋友帶路去咗逸瓏灣一個商場內嘅酒樓飲茶。呢一次係我哋第一次飲啖茶食個包，所以值得紀念一下。 💰$75午市煲仔飯孖寶 🍚我哋嚟到已經係做緊午市，所以有呢個孖寶套餐可以揀，我哋揀咗鳳爪排骨煲仔飯配鬼馬炸兩腸。鳳排骨煲仔飯嘅飯好有咬口，鳳爪同排骨嘅量都好夠，好送飯。炸兩腸嘅炸兩好香好脆，腸粉皮唔會太厚，點埋甜醬麻醬一齊食，好好味。 💰$34黑金流沙包 🍞呢款黑色嘅流沙包大家應該唔陌生啦，朋友話之前嚟食嘅時候包面係有金色裝飾，但今次就全個都黑鼆鼆，入面嘅餡真係會流出嚟㗎啵，熱辣辣嘅時候食就最好味啦！ 💰$34鮮蝦紅油抄手 🦐🥟呢度嘅紅油抄手有四粒，調味偏酸但後勁都有啲麻辣，食落似普通雲吞，無咩特別，但都幾大粒幾抵食。 💰$38鵪鶉蛋燒賣 🪺🥟唔係間間酒樓都有得食鵪鶉蛋燒賣㗎，話說有無人知點解鵪鶉蛋燒賣永遠都只係得三粒？佢嘅鵪鶉蛋蛋黃好香，燒賣嘅肉好爽口，得閒食下啲懷舊點心都幾正㗎。 💰$263其實我都幾鍾意去飲茶㗎，因為選擇好多又可以食得好飽，同朋友一齊唔一定次次去食Cafe或者高級餐廳嘅，去下飲
📍 大埔白石角科進路21號逸瓏灣II期LG樓19-20號舖
去完staycation，朋友帶路去咗逸瓏灣一個商場內嘅酒樓飲茶。呢一次係我哋第一次飲啖茶食個包，所以值得紀念一下。
[價錢 Price]
💰$75
午市煲仔飯孖寶 🍚
我哋嚟到已經係做緊午市，所以有呢個孖寶套餐可以揀，我哋揀咗鳳爪排骨煲仔飯配鬼馬炸兩腸。鳳排骨煲仔飯嘅飯好有咬口，鳳爪同排骨嘅量都好夠，好送飯。炸兩腸嘅炸兩好香好脆，腸粉皮唔會太厚，點埋甜醬麻醬一齊食，好好味。
[價錢 Price]
💰$34
黑金流沙包 🍞
呢款黑色嘅流沙包大家應該唔陌生啦，朋友話之前嚟食嘅時候包面係有金色裝飾，但今次就全個都黑鼆鼆，入面嘅餡真係會流出嚟㗎啵，熱辣辣嘅時候食就最好味啦！
[價錢 Price]
💰$34
鮮蝦紅油抄手 🦐🥟
呢度嘅紅油抄手有四粒，調味偏酸但後勁都有啲麻辣，食落似普通雲吞，無咩特別，但都幾大粒幾抵食。
[價錢 Price]
💰$38
鵪鶉蛋燒賣 🪺🥟
唔係間間酒樓都有得食鵪鶉蛋燒賣㗎，話說有無人知點解鵪鶉蛋燒賣永遠都只係得三粒？佢嘅鵪鶉蛋蛋黃好香，燒賣嘅肉好爽口，得閒食下啲懷舊點心都幾正㗎。
[價錢 Price]
💰$263
其實我都幾鍾意去飲茶㗎，因為選擇好多又可以食得好飽，同朋友一齊唔一定次次去食Cafe或者高級餐廳嘅，去下飲茶食個包都係一件樂事嚟㗎 ，下次去邊度好啊？
張貼
