Rakuraku 樂拉麵 (利東街)

營業中

休息中

下晝經過利東街，熱到九彩，只係想搵一間舖頭入去飲杯嘢、涼吓冷氣，經過呢度，見到佢下午茶叉燒拉麵五十幾蚊一碗，咁就入去坐低，之前從未聽過呢間拉麵店。即刻飲兩杯水先，然後就叫佢個叉燒拉麵，好快嚟到。賣相都OK，飲一啖湯，普普通通，唔難飲。食一口麵，軟淋淋，阿婆食就啱晒，對我來講當然唔夠硬啦，麵質非常之似雲吞麵，唔多似日式拉麵，味道普普通通。食一啖叉燒，薄薄哋，味道普普通通。全部都普普通通，唔難食，又唔特別好食。下午茶包一罐汽水，幾好。原來有+1，總共$64，幾抵食，但係始終唔慣日式拉麵店有+1，喺日本從未見過。食完麵再飲多兩杯水，喺呢樹最大滿足係水同汽水，非常解渴，冷氣亦都夠凍，唞暑好地方😁