影片
更多
2019-02-19
187 瀏覽
噚晚同部window10玩左成晚troubleshooting, 結果要重裝個window10攪到通頂。今日又直踩到六點， 結果早茶飲唔到變夜茶。今晚走走銅鑼灣呢間點心專門店食都有啲驚喜喎， 位置係正shopping area, 方便我地食完再去shop一陣先返屋企。最近開左好多呢類型嘅點心專門店。閒時如果食茶餐廳食嫌左都可以嚟一盅兩件，食完就走操作簡單。點心店地方唔係好大， 坐低會奉上一大壺應該係玄米茶，等你自己斟，係一個省減人手嘅好方法， 玄米茶都幾香。令枱都有張點心紙，選擇都幾多， 價錢比我想像中相宜。平時我地一家都成日去飲茶， 所以今晚就想揀啲平時少見少食嘅點心， 最後我地點左八樣， 有：籠太子蝦餃皇、藥膳雞腳、四寶雞扎、皮蛋牛腸、咸魚肉餅飯、煎蝦膠釀茄子、海皇芝士千絲卷、同老火湯。聽講佢地老火湯真材實料，所以我地都想試下， 嚟到其實都幾大碗，好彩我要左一碗啫， 今晚係木瓜煲魚， 好滋潤。我地仲見到有人專登過嚟淨係買湯添。咁多樣點心之中我最鍾意煎蝦膠釀茄子， 個茄子用醬汁煮過入味得嚟唔會太鹹，而且茄子唔會太軟爛😅。蝦膠都幾結實。另外蝦餃皇隻蝦都好大隻， 但就味淡一啲。最欣賞佢可
今晚走走銅鑼灣呢間點心專門店食都有啲驚喜喎， 位置係正shopping area, 方便我地食完再去shop一陣先返屋企。
最近開左好多呢類型嘅點心專門店。閒時如果食茶餐廳食嫌左都可以嚟一盅兩件，食完就走操作簡單。
點心店地方唔係好大， 坐低會奉上一大壺應該係玄米茶，等你自己斟，係一個省減人手嘅好方法， 玄米茶都幾香。
令枱都有張點心紙，選擇都幾多， 價錢比我想像中相宜。平時我地一家都成日去飲茶， 所以今晚就想揀啲平時少見少食嘅點心， 最後我地點左八樣， 有：籠太子蝦餃皇、藥膳雞腳、四寶雞扎、皮蛋牛腸、咸魚肉餅飯、煎蝦膠釀茄子、海皇芝士千絲卷、同老火湯。
聽講佢地老火湯真材實料，所以我地都想試下， 嚟到其實都幾大碗，好彩我要左一碗啫， 今晚係木瓜煲魚， 好滋潤。我地仲見到有人專登過嚟淨係買湯添。
咁多樣點心之中我最鍾意煎蝦膠釀茄子， 個茄子用醬汁煮過入味得嚟唔會太鹹，而且茄子唔會太軟爛😅。蝦膠都幾結實。
另外蝦餃皇隻蝦都好大隻， 但就味淡一啲。最欣賞佢可以選兩隻或四隻，唔怕食完一籠就飽哂！
我都話媽咪最愛食煎炸野架啦，咁多野食， 佢第一箸就攻打碟海皇芝士千絲卷，不過啲千絲又真係炸得幾酥脆嘅。
其他點心都唔錯， 另外我都幾鍾意個蒸飯嘅飯底，絲苗米煮得比較硬身， 撈左蒸飯豉油特別好味。
張貼
