老三火鍋 (已結業)

身邊另一半好鐘意打邊爐，所以我地會周圍搵唔同既火鍋店邊一邊佢。而我地今日就去左食一間招牌老鴨湯既火鍋店試一試佢🤪環境係平時打邊爐既格局，一張張大圓枱，夠熱鬧！🕺🏿首先當然叫佢地既招牌老鴨湯老火湯底！有一隻或者半隻，店員同我地講兩個人半隻岩岩好！跟住我地就睇下仲有咩食，店員又向我地推介另一招牌醉雞丸！咁當然要試試佢！佢地有一樣好好既野就係食丸同價錢可以加10蚊雙拼另一隻丸，咁樣兩個人都可以食多d其他野食。咁我地就拼左金沙墨魚丸、然後叫左豆腐丸拼墨汁芝士魚餃、冬瓜片、蓮藕、油麥菜、花枝片、安格斯肥牛（大）、仲叫左一渣烏梅汁。老鴨湯老火鍋，先飲後打邊爐，入面有好多其他藥材，好香濃，好好味！飲完就試左佢d鴨肉，半隻鴨勁多肉，d肉又勁入味💯之後就開始打邊爐，佢地既蔬菜配料都好新鮮。肥牛夠大碟，丸類夠特別，金沙墨魚丸入面鹹蛋黃味拼埋墨魚好食，醉雞丸咬開佢會爆汁，入面食到好濃既酒味，配埋雞丸整成粒丸好特別！