影片
更多
2021-03-07
6 瀏覽
自從上年12月禁晚市堂食之後，都好耐未試過夜晚出街打邊爐。今日終於有時間可以出去打邊爐啦。呢度好多款湯底都好養生，款款都好想試，我哋都掙扎咗好耐先決定到。店員都好好人咁會比下提議我哋咁。最後因為想飲椰子雞湯，所以我哋就揀咗椰子雞湯底啦。椰子雞湯底（半隻）$168湯底真係超多椰子，首先等湯底煲滾之後，我哋就可以落雞，雞肉煮4分鐘就食得啦。雞肉好重雞味，好嫩滑，仲可以自己落沙薑，變沙薑雞咁食。椰子雞湯非常清甜，可以裝出嚟飲，我飲咗四碗。手切牛肉（大）$288手切牛肉超有牛味，亦都嫩滑，份量都唔少，啱晒我哋兩個食肉獸。日本A5三角和牛腩 $288A5和牛有九大片，啲油花好靚，食落啲油脂真係不得了，咬落仲有少少彈性添。唐生菜 $48好大碗生菜，一定夠兩個人食。出前一丁 $18真係出前一丁，店員會喺我哋面前打開包裝。出前一丁配椰子雞湯就比較清淡，我自己加咗自己調配嘅火鍋醬料，變左麻辣撈丁，正。台式蛋餃（半份）$36半份有四隻。入面嘅餡料都幾香。杞子圓肉菊花露 $0只要like同埋簽到社交平台就有免費嘅飲品送，可以揀菊花露或者洛神花茶。呢杯菊花露好好飲，仲有龍眼肉食添。水果盤 $0食到最後原來仲有
呢度好多款湯底都好養生，款款都好想試，我哋都掙扎咗好耐先決定到。店員都好好人咁會比下提議我哋咁。最後因為想飲椰子雞湯，所以我哋就揀咗椰子雞湯底啦。
椰子雞湯底（半隻）$168
湯底真係超多椰子，首先等湯底煲滾之後，我哋就可以落雞，雞肉煮4分鐘就食得啦。雞肉好重雞味，好嫩滑，仲可以自己落沙薑，變沙薑雞咁食。椰子雞湯非常清甜，可以裝出嚟飲，我飲咗四碗。
手切牛肉（大）$288
手切牛肉超有牛味，亦都嫩滑，份量都唔少，啱晒我哋兩個食肉獸。
日本A5三角和牛腩 $288
A5和牛有九大片，啲油花好靚，食落啲油脂真係不得了，咬落仲有少少彈性添。
唐生菜 $48
好大碗生菜，一定夠兩個人食。
出前一丁 $18
真係出前一丁，店員會喺我哋面前打開包裝。出前一丁配椰子雞湯就比較清淡，我自己加咗自己調配嘅火鍋醬料，變左麻辣撈丁，正。
台式蛋餃（半份）$36
半份有四隻。入面嘅餡料都幾香。
杞子圓肉菊花露 $0
只要like同埋簽到社交平台就有免費嘅飲品送，可以揀菊花露或者洛神花茶。呢杯菊花露好好飲，仲有龍眼肉食添。
水果盤 $0
食到最後原來仲有水果同朱古力送，水果有楊桃、蘋果同埋橙食，為呢一餐作一個圓滿嘅結束。
其他湯底都好吸引，我仲好想試酸菜白肉鍋，不過因為今次好想飲椰子雞湯所以叫咗椰子雞湯底，下次一定要黎食埋其他湯底先。
張貼
