影片
更多
2008-04-03
1 瀏覽
Incontro上星期日去睇DT，所以一早去左尖沙咀帝國中心，本來想食日本野，但係又唔想食鐵板燒，結果决定食意大利菜。一入餐廳都幾驚，復活節六點幾得兩枱客，加埋得五個人，又見到老細好煩咁一個坐係度望住個門口，不過裝修幾好又清靜加上趕時間，所以冇再去揾第二間。坐底後女朋友好快决定要個Chef Salad同海鮮湯，本來想試下個炸牛仔扒(Veal)，因為以前睇過電視介紹，話呢個係傳統意大利菜，但過後來發覺個湯係二人份量，所以取消左，怕吃唔晒。麵包得Bread Stick，好單調，個湯真係好大，要用個碢上，都算好足料，青口(Black Mussel) 又好多隻，唔算非常新鮮，但都可以，有兩大塊Sea Bass，好新鮮，好鮮甜，加上個翻茄湯，酸酸地，好開胃，再有D蝦同Clam，不過好細，特別係蝦，好似好小家，唔落都冇乜所謂。湯本身有好多Basil，非常香。除左個湯本身，重點係有兩塊麵包乾，嗅落去先知係Garlic Bread，本來都冇乜特別，點知當加上湯後濃烈嘅蒜頭味道完全散發去個湯，一啖湯一啖麵包，極品，問個Waitress追加麵包乾，點知佢話一般佢地唔可以加，因為一夜預備嘅唔多，最後都加多再
上星期日去睇DT，所以一早去左尖沙咀帝國中心，本來想食日本野，但係又唔想食鐵板燒，結果决定食意大利菜。
一入餐廳都幾驚，復活節六點幾得兩枱客，加埋得五個人，又見到老細好煩咁一個坐係度望住個門口，不過裝修幾好又清靜加上趕時間，所以冇再去揾第二間。
坐底後女朋友好快决定要個Chef Salad同海鮮湯，本來想試下個炸牛仔扒(Veal)，因為以前睇過電視介紹，話呢個係傳統意大利菜，但過後來發覺個湯係二人份量，所以取消左，怕吃唔晒。
麵包得Bread Stick，好單調，個湯真係好大，要用個碢上，都算好足料，青口(Black Mussel) 又好多隻，唔算非常新鮮，但都可以，有兩大塊Sea Bass，好新鮮，好鮮甜，加上個翻茄湯，酸酸地，好開胃，再有D蝦同Clam，不過好細，特別係蝦，好似好小家，唔落都冇乜所謂。湯本身有好多Basil，非常香。除左個湯本身，重點係有兩塊麵包乾，嗅落去先知係Garlic Bread，本來都冇乜特別，點知當加上湯後濃烈嘅蒜頭味道完全散發去個湯，一啖湯一啖麵包，極品，問個Waitress追加麵包乾，點知佢話一般佢地唔可以加，因為一夜預備嘅唔多，最後都加多再兩塊，飲完湯都飽左九成，其實個湯應該夠四個人飲，心念如果每個人都只係叫呢個湯，佢肯定做唔住。
Chef Salad個presentation都好靚，菜都好清甜，不過有少少太酸。
Waitress全部都係菲律賓人，服務似LKF酒吧，扮Friendly果仲，講真我唔係好受落，同間餐廳係好夾，自然D好D。
張貼
