影片
更多
2019-04-29
508 瀏覽
復活節假期，一連有4日，身邊既朋友都已經出國。日本、台灣、泰國，都係大家出國既目的地，請多1 日假，就可以來個5日4夜既快閃之旅，的確十分吸引。不過我個人就唔係太喜歡假期去同人爭，同人迫，所以都係決定留港消費。正正因為大部份既香港人都已經出哂國，所以喺中環行街，撞口撞面既都係外國人，都係遊客，成條街感覺變得容易行佐好多，都幾正。晚上就揀佐落蘭桂芳，搵一間自己未試過既餐廳作為復活節大餐，慶祝一下。呢間餐廳位於加州大廈既23樓，居高臨下，景觀一流。雖然餐廳係食中菜既，但係因為位於飲酒，開P既聖地蘭桂芳，所以餐廳既裝潢都以西式為主，配上氣氛燈，作為happy hour 既地點都同樣出色。玻璃窗外望既係維港，但因為其他既高樓大廈都真係太高，所以只可望見少少海景。餐廳既drink list 真係好大份，有各國多款既酒水選擇，揀酒都可以揀上半小時。1664 Kronrnbourg Blanc $98最後我就點上了我既最愛 1664，大大杯，好抵飲，配上餐廳特別既餐枱colorful設計，令吸引既啤酒顯得更吸引。珍菌松露球 $48松露球好特別，賣相比較似芝麻湯圓，或者炸煎堆。個皮做得幾硬身，食落外脆
日本、台灣、泰國，都係大家出國既目的地，請多1 日假，就可以來個5日4夜既快閃之旅，的確十分吸引。
不過我個人就唔係太喜歡假期去同人爭，同人迫，所以都係決定留港消費。
正正因為大部份既香港人都已經出哂國，所以喺中環行街，撞口撞面既都係外國人，都係遊客，成條街感覺變得容易行佐好多，都幾正。
晚上就揀佐落蘭桂芳，搵一間自己未試過既餐廳作為復活節大餐，慶祝一下。
呢間餐廳位於加州大廈既23樓，居高臨下，景觀一流。
雖然餐廳係食中菜既，但係因為位於飲酒，開P既聖地蘭桂芳，所以餐廳既裝潢都以西式為主，配上氣氛燈，作為happy hour 既地點都同樣出色。
玻璃窗外望既係維港，但因為其他既高樓大廈都真係太高，所以只可望見少少海景。
餐廳既drink list 真係好大份，有各國多款既酒水選擇，揀酒都可以揀上半小時。
1664 Kronrnbourg Blanc $98
最後我就點上了我既最愛 1664，大大杯，好抵飲，配上餐廳特別既餐枱colorful設計，令吸引既啤酒顯得更吸引。
珍菌松露球 $48
松露球好特別，賣相比較似芝麻湯圓，或者炸煎堆。
個皮做得幾硬身，食落外脆，但其實內軟且暖既。
咬開滿佈芝麻既湯圓皮，裡面迎來既係充滿松露香既肉碎，加上珍菌，好好味。
黑豚肉叉燒皇 $188
呢個叉燒皇既賣相真係好靚，用上蠟燭台點上火光，更顯高貴。
叉燒既肥瘦比例岩岩好，配上帶蜜糖甜香既叉燒醬汁，真係好好味。
叉燒切得比較厚身，食落啖啖肉，有口感。
這時候店員貼的詢問我們是否要喝茶？
然後來了一壺烏龍茶，用上我很喜歡的日本鋼製茶壺，保熱之餘賣相也吸引。
龍鬚芥蘭 $98
蔬菜方面，我們點了這款龍鬚芥蘭，廚師用上精密既刀功為每一條芥蘭切成龍鬚狀，配上濃湯。
濃湯無加味精，令我地都忍唔住要不停飲。
紅樓招牌炒飯 $138
最後既主食我地點佐餐廳既招牌炒飯，面頭曬上了蟹肉碎，和蟹杍，很有層次。
炒飯也很乾身，唔會過油，而且份量都幾大。
燈影煎堆 $88
一餐好既美食，總唔能夠欠缺一個好既甜品，而今次我地就揀佐燈影煎堆。
其實佢係一個好大好大好大既煎堆，用黎影相厄Like 真係一流，至少我自己share俾朋友圈大家都有讚無彈。
煎堆影完相後，店員就會為我地煎開，方便食用。
因為香港長假既關係，所以四周既人流都真係唔多，所以進食既環境都幾舒適，真係越黎越鐘意呢一日既香港，亦都有D懷念20年前既香港呢。
張貼
