Selfie Cafe (已結業)

之前在銅鑼灣見過這間cafe，只有飲野。今日在尖沙咀見到這間仲有野食，約左老公一起去試下。店面燈光十分光，讓人感到很舒服。門口的玻璃櫃內放左好多款靚靚馬卡龍，首先來個恭喜發財。叫左個set，可以另外加錢有餐湯、前菜同轉selife飲品。忌廉湯+蒜蓉包都幾濃郁，淡淡的菌菇的香味。蒜蓉包好軟熟，點的湯一起食，蒜香加上奶油香在口中流動。薯蓉焗田螺薯蓉好滑，上面落左芝士同蕃茄醤，酸酸甜甜又香。秘制醤汁烤美國豬仔肋骨豬肋骨望落已經好夠味，外面烤到少少乾身切開裡面好juicy 。肋骨帶少少肥，但食落又唔會肥膩的肉十分嫰滑。重頭戲來啦，自拍布魯塞爾濃情朱古力店員會話俾你聽要點做，首先記錄左個電話whatsapp 張照片已經得了。不過最好選擇凍飲出來效果會好的。跟住就等...好快一杯上面有相的飲品就來啦。見到這杯特別的飲品真是唔捨得飲，所以插飲管都特別小心，朱古力的味濃郁好滑，唔會太甜。