嶺南樓

營業中

休息中

今日叫咗老爺過嚟我哋屋企，帶咗佢去隔離嘅嶺南樓飲茶。今次試吓點心以外嘅其他小食，不過就有少少失望。蝦餃、粉果、蝦腸、上湯菜心，都正正常常，同埋好夠熱。但我最期待嘅椒鹽魷魚酥就唔係好得啦。椒鹽魷魚酥個粉漿太厚，而且魷魚🦑炸得唔夠火候，同埋唔夠味。我先生話個豬肚幾好食，但我係唔食豬肚，只係試咗白個蘿蔔，白蘿蔔淡茂茂一啲味都冇。XO醬炒年糕，味道都OK，不過油咗少少。上次只係叫點心，3個人食左$200。今次叫咗三個小食，所以埋單要$263。佢啲小食唔係咁好食，下次都係唔叫小食啦。