壹小籠

營業中

休息中

經過見到呢間餐廳，以為只係普通茶餐廳，點知原來入面可以飲茶，就入左去試食啦。入面D點心都算幾抵，有孖寶點心，平日$33.8假日$36.8兩款點心，仲有其他點心就$27.8 - $30尾一款點心。點心種類都算多，一般蝦餃燒賣腸粉都有。我覺得比較好食就食炸春卷，燒賣同埋牛肉腸，而鳳爪排骨飯就有飽肚之選，佢既肉量都多，起碼有4舊排骨加1隻鳳爪。反而小籠包就麻麻地，因為小籠包咬入面係冇肉汁，冇肉汁既小籠包完全唔值得食。而茶位假日就$9一位，最便宜既係，呢度冇加一架。