影片
更多
2015-01-07
2818 瀏覽
四圍搵飲茶好地方…前身系采蝶軒嘅『小蝶』開左系midtown，估得到質素應該唔差。“雪山叉燒包”，包軟餡熱，雪山皮唔會厚叠叠、實的的，呢個厚度脆度我鍾意。“跳舞茄子”名字幾好聽，賣相亦好睇，即系醬燒茄子加啲木魚喺上面，成條茄子上可以當扒据，不過始終茄子淡口，個人認為味道麻麻。“白雪苦瓜”呢味餸好得意，成個棉花糖咁…for影相very good，食就very bad，即系焗蛋白入面有啲苦瓜粒，焗蛋白同梳乎厘入面啲饀質感差唔多，不過唔系甜嘅、系完全冇味嘅，啲苦瓜粒先弊，生嘅，唔知系咪專登整到咁，要爽口嘅口感？但苦到喊…唔識欣賞。“上素粉果”，普通點心，普通到唔識評論，唔難食，又唔會好好好好食。“鎮江排骨”個人認為炸得太勁，我唔like，太乾喇。重點推介“鮑魚酥”，$58一件，貴都應該叫，一個迷離鑊仔上，成隻鮑魚比好多出面酒樓整飽魚撻嘅大粒好多，咬落去好“淋”，下面件酥亦比想像中大件，有美心雞批咁大件頭，裡面啲饀好似系一粒粒鮑魚，懷疑系素鮑粒，趁熱食最正，但朋友嫌略鹹，睇個人口味啦～甜品點咗“蛋黃冬蓉酥”完全食唔出有蛋黃系裏面，簡單嚟講，佢即系粒狀老婆餅，金莎咁上下大粒，但餡冇老婆餅嘅咁甜…
“雪山叉燒包”，包軟餡熱，雪山皮唔會厚叠叠、實的的，呢個厚度脆度我鍾意。
“跳舞茄子”名字幾好聽，賣相亦好睇，即系醬燒茄子加啲木魚喺上面，成條茄子上可以當扒据，不過始終茄子淡口，個人認為味道麻麻。
“白雪苦瓜”呢味餸好得意，成個棉花糖咁…for影相very good，食就very bad，即系焗蛋白入面有啲苦瓜粒，焗蛋白同梳乎厘入面啲饀質感差唔多，不過唔系甜嘅、系完全冇味嘅，啲苦瓜粒先弊，生嘅，唔知系咪專登整到咁，要爽口嘅口感？但苦到喊…唔識欣賞。
“上素粉果”，普通點心，普通到唔識評論，唔難食，又唔會好好好好食。
“鎮江排骨”個人認為炸得太勁，我唔like，太乾喇。
重點推介“鮑魚酥”，$58一件，貴都應該叫，一個迷離鑊仔上，成隻鮑魚比好多出面酒樓整飽魚撻嘅大粒好多，咬落去好“淋”，下面件酥亦比想像中大件，有美心雞批咁大件頭，裡面啲饀好似系一粒粒鮑魚，懷疑系素鮑粒，趁熱食最正，但朋友嫌略鹹，睇個人口味啦～
甜品點咗“蛋黃冬蓉酥”完全食唔出有蛋黃系裏面，簡單嚟講，佢即系粒狀老婆餅，金莎咁上下大粒，但餡冇老婆餅嘅咁甜…幾好味吖。
呢度裝修幾新潮，價格亦中上檔次，不過服務呢～好唔夠人手囉～想“潮”飲中茶，歎吓新式點心，試吓冇防。
張貼
