陶源酒家 (已結業)

今日好耐冇去過陶源飲茶，所以今日就去試吓飲茶食點心。今日星期日，人流都唔係好多，所以唔使點等位。叫咗個龍蝦伊面，係芝士伊面嚟嘅。味道都唔錯，芝士味好濃。而且龍蝦亦都唔算少，適中。不過龍蝦肉就冇乜，腳就好多。叉燒，叉燒好肥美同肉厚。而且肉質嫩滑，味道都唔錯。鮑汁鳳爪，非常之入味，好重鮑汁味。紫薯西米布甸，侍應話啱啱出爐所以就試吓。但係點知一啲都唔熱，仲凍冰冰，不過味道唔錯，紫薯味好重同好濃，甜甜地。