飲嘢 (已結業)

大埔都算係我少去既地方，今次去探舊同學順道睇佢既仔仔，幾個人帶住个小朋友，睇下附近有咩好食又可以坐得耐既地方先，發現到有間细细地既cafe,裝修都幾得意，有星星燈，小朋友仔仔話好靚，哈哈。我地先黎左份脆脆雞脾餐，雞脾係即叫即炸，脆脆的金黄色外皮，撕開一塊塊旣雞肉，大人同小朋友都好中意食。套餐上仲有一份細既蛋沙律，簡簡單單，沙律醬份量岩岩好，亦可以中和煎炸感，可以encore，小朋友仔仲好like點點茄油食薯條添。而呢間cafe既嘢飲全部名都好得意，我地叫左2杯飲品:熱奶緹杏霜同熱奶緹普洱，奶緹係latte既中文譯名，佢地送上黎既時候，用左好似啤酒杯裝住，而面層既奶泡就好似啤酒泡咁，賣相吸引又大杯，一淡飲落去，奶泡在口內混和普洱茶，同平時既奶茶果種感覺完全唔同，值得一試，而奶緹杏霜，小朋友都飲了兩口，奶味比較重，小朋友都讚。