Cosmos Restaurant & Bar (已結業)

呢頭開左唔少酒吧, 係酒吧開埋餐都唔算係新鮮事, 呢間係朋友之前去過話唔錯, 見到地上既射燈投射, 就算係低頭一族都唔會行過龍話明係酒吧同餐廳混合體, 昏暗既燈光是常識吧, 酒吧就當然會有HAPPY HOUR啦, 仲有送酒小食推介, 可以HAPPY完就係度開埋餐唔想諗太多, 見佢個精選晚餐(SET DINNER)望落都幾岩口味, 一於叫呢個試下先!先黎個有機藜麥田園沙律, 藜麥就聽得多, 但真係第一次食, 其實係無味既, 配埋以陳醋撈既沙律菜一齊食, 增加咬口!是日餐湯, 今晚係周打魚湯, 呢個湯真係好耐無飲過, 頗濃厚既CREAMY質感, 有D魚肉係湯內, 附送香草包一件!唔想食太多肉, 其中一款主菜選了大啡菇黑松露忌廉飯 ($128), 上枱時已聞到好香菇菌味, 大啡菇切成條狀, 方便進食, 食落都幾有菇味, 而每粒飯粒索上黑松露忌廉汁, 軟滑可口! 一客份量都夠二人分享, 唔錯!另一款係法國春鷄釀泡菜年糕 ($238), 法日混血兒喎, 話明係春鷄就唔會太大隻, 但幾好肉地, 皮薄燒到幾香口, 索到D泡菜味既鷄肉幾鮮嫩, 切開半邊就會見到泡菜年糕粒, 泡菜同年糕既混合當然係夾到,