GOGO Rock (已結業)

以為旺角除左商場之外無咩好feel嘅餐廳，今日發現呢間新開餐廳又幾唔錯喎，入到去嘅環境、音樂、氣氛，都同出面街好唔同，有小驚喜～焗蒜蓉包熱辣辣外脆內軟，松露醬蝦球薯仔沙律，一擺上台松露香撲鼻，配搭無花果點綴，顏色好靚，沙律材料夠新鮮特別係蝦夠爽脆。有啲特別嘢食，玫瑰鹽燒法國鵪鶉，淡淡鹽味，皮香脆肉鮮嫩，好味～仲有慢煮三文魚同香煎牛柳伴鵝肝菌，好欣賞三文魚嘅配汁，牛柳勁好味，非常軟腍，一啲筋都冇，鵝肝菌汁質感調得濃汁適中，同牛柳非常合拍～呢個又係好好味，鮮蠔汁意粉配溫泉蛋，意粉汁非常鮮味，安全第一視覺效果非常好，每條意粉沾上蛋汁食更加美味。甜品叫左藍啤梨芭菲同松露朱古力蛋糕，仲叫左Mocktail，Virgin Sangria主要係酸酸微微嘅生果混合而成，加左薄荷葉清爽醒胃；Cucumber Lemonade檸檬青瓜味配合下，清新中帶有檸檬酸味，飲落非常舒服。