影片
更多
2015-07-05
188 瀏覽
話說呢排成日去中上西環個頭食野其實原因好簡單個邊多野食，仲要有唔少好野/特別野食今日就去左滋味廚房(Namaste Kitchen)開初聽名真係諗住港式風味餐廳但原來係印度同尼泊爾菜睇返佢英文名會易D 估到(哈)入到去坐低原先想睇下睇晒餐牌先叫但見佢個晚飯套餐都幾吸引，同埋本身都幾肚餓下咁就落左先，佢個晚飯套餐係供二人可以兩個前菜、兩個主菜再配野飲($230)咁就叫左個沙嗲羊肉同串燒五香雞件主菜要左牛肉翻炒同咖哩海鮮一個跟左芝士薄餅(Cheese Naan) (+$20)，另一個就跟左飯飲品就要左杯Mango Lassi (芒果特式飲品) (+$20)印式既芒果特式飲品比較偏甜入口比較接近糊既感覺有芒果既甜味，甜得黎唔會令個口乾不過想解口渴，比較推介大家直接飲水想飲下甜野，呢杯就係唔錯，可以試下飲品左之前就有個小食老老實實唔係好知佢叫咩名不過大部份食印度菜既餐廳都有佢可以同綠色個個薄荷乳酪醬一食薄荷唔重，只係淡淡係後面另外個個醬甜甜地，都幾過癮但食呢個小食要小心，因為真係好脆一咬第一下會碎開之後個前菜都黎埋個沙嗲羊肉同串燒五香雞件一齊上每樣都係兩份雞件整得好好，雞係鬆軟而滑而且入左味，
其實原因好簡單
個邊多野食，仲要有唔少好野/特別野食
今日就去左滋味廚房(Namaste Kitchen)
開初聽名真係諗住港式風味餐廳
但原來係印度同尼泊爾菜
睇返佢英文名會易D 估到(哈)
入到去坐低原先想睇下睇晒餐牌先叫但見佢個晚飯套餐都幾吸引，同埋本身都幾肚餓下
咁就落左先，佢個晚飯套餐係供二人
可以兩個前菜、兩個主菜再配野飲($230)
咁就叫左個沙嗲羊肉同串燒五香雞件
主菜要左牛肉翻炒同咖哩海鮮
一個跟左芝士薄餅(Cheese Naan) (+$20)，另一個就跟左飯
飲品就要左杯Mango Lassi (芒果特式飲品) (+$20)
印式既芒果特式飲品比較偏甜
入口比較接近糊既感覺
有芒果既甜味，甜得黎唔會令個口乾
不過想解口渴，比較推介大家直接飲水
想飲下甜野，呢杯就係唔錯，可以試下
飲品左之前就有個小食老老實實唔係好知佢叫咩名
不過大部份食印度菜既餐廳都有佢
可以同綠色個個薄荷乳酪醬一食
薄荷唔重，只係淡淡係後面
另外個個醬甜甜地，都幾過癮
但食呢個小食要小心，因為真係好脆
一咬第一下會碎開
之後個前菜都黎埋個沙嗲羊肉同串燒五香雞件一齊上
每樣都係兩份
雞件整得好好，雞係鬆軟而滑
而且入左味，唔加檸檬汁都好食
至於沙嗲羊肉，個羊肉無晒羶
加埋沙嗲汁幾好食，肉保持到肉汁
入口易咬
食完前菜，就到主菜不過一開始餐廳意外上錯左個咖哩牛肉
但佢自己好快發現都俾返個牛肉翻炒我地
算反應快，因為我地自己個下都未發覺 =P
咖哩海鮮入面都多料
另外，跟佢個芝士薄餅都好食
入面個種芝士食落有D 必_客芝心批個種芝士
唔跟咖哩就咁都好食
但呢餐重點係個牛肉翻炒同個飯到牛肉翻炒大概就係牛肉粒同炸蒜跟埋洋蔥、三色椒一齊炒
其實一上"木台"已經好香
同佢一齊上個飯都好特別
應該係印度米，比平時食既米長身，口感比較硬物少少
最勁既係佢個後勁...食落好似平時D飯
但食完一陣會係個胃入面好似吸完個汁漲左少少
呢桶飯仔真係好飽肚 lol
千奇唔好睇小佢...食量唔大既各位都係食薄餅好D
唔係可能真係食一半已經飽晒
不過如果人多，可以試下，因為都幾特別
另外叫左個尼泊爾蒸餃子($55/8隻)因為好似無咩聽過有咩地方有佢食
餃子入面係用雞肉同少少菜整成
由於餃子皮比較厚身，有少少硬硬地
不過係熟晒，皮厚身個隻硬
另外，呢幾隻餃子都幾飽肚
最後都叫埋甜品試下要左個印度芝士伴凍奶($40)
食個下佢地職員都提醒左食完會比較口乾
俾定左水我地，呢樣幾細心
而甜品本身有D nuts，口感上有軟、有硬
印度芝士本身係軟身D
食落幾特別，唔係好識形容 (哈)
題外話/補充資料：
服務方面，餐廳職員好有禮貌
而且都幾細心下
(以上食評乃用戶個人意見 , 並不代表OpenRice之觀點。)
張貼
